PROJETS OK DÉBARQUEMKNT EN ANGLETERRE

rent on Angolesme devers le prinche, et trouvèrent revenu le conte de Cantliebruge et le conte de Pennebourcq du siège de Bourdielle.

Or parlerons-nous des compaignes comment il esploitèrent. Il enterèrent en Limosin, et prirent le Soteresgne et le donnèrent à monsigneur Jehan d'Evreus, hardit homme , lequel prist moult tost la Roche- Wauclère. Entre ces compaignes avoit trois capitaines , les plus soutieulx pour embler et esqueller fortresches que on seuist nulle part. Sy s'apelloient Hortigo, Bernart de West et Bernart de la Salle. Chils trois compaignons vinrent prendre par esquellement en Bourbonnois le castiel de Belle-Perche, et la mère du duc de Bourbon dedens , et le tinrent toute la saison, jusques à tant que le roy de Franche y envoia grant gens d'armes, ensy que je vous diray chà-en avant ; mais nous parlerons anchois d'une armée que le duc de Lanclastre et ly Englès firent en Pontieu et en le terre de Kaus en Normendie, et comment il se portèrent contre les Franchois à Tournehem .

Toute celle saison avoit fait le roy de Franche le plus grande assamblée de navie, de gros vassieaulx, et de moiens et de petis, ou havre de Harfleur entre Roem et le mer, que on euist oncques veu celle part, ne ailleurs ; et estoit l'intention du roy qu'il envoiroit son frère le duc de Bourgongne et le plus grant partie de sa puissanche en Engleterre pour exillier le pais. Et pour mieulx entendre à ches besoignes, le roy proprement estoit venus logier à Roen, et là faisoit son mandement. Che fu environ le Saint- Jehan- Baptiste, l'an mil IIP LXIX.

De ceste armée estoient bien informés tous les Englès