EXPÉDITION DU DUC DE LANCASTRE EN ARTOIS

et le roy d'Engleterre et son consail, et comment le duc de Bourgongne avoit espousé à femme la fille du conte de Flandres et devoit estre cliief de ceste armée. Sy se pourveit le roy d'Engleterre selonc che, et avoit envoiet grant foison de gens d'armes sur les frontières de la mer, pour garder les pors et les havres d'Engleterre, et faisoit avecq che ung grant mandement ; car il volloit son fils le duc de Lanclastre envoyer en France. Sy envoia par dechà le mer prier pluiseurs chevaliers et escuiers, qui à lui se tenoient, et par espésial che gentil chevalier monsigneur Robert de Namur, que se prouveit de chevaliers et d'escuierspour estre en le compaignie de son fils, sitost qu'il seroitarivé delà la mer. Ledit messire Robert se pourvey selonc che bien.

Le duc de Lanclastre ou mois de jullet monta en mer à VP hommes d'armes et XIP archiers. Sy ariva ou havre de Calais luy et ses gens et toute sa prouvéanche, l'un après l'autre tout bellement. En le compaignie du duc de Lenclastre estoient le conte de Sallebrin, le conte de Suffort, le conte de Warvic , messire Gautier de Mauny, le sire de Stanfort, messire Rogier de Bieaucamp, le sire de Basset, le sire de le ■Ware,le sire de Wilby, le sire de Persy, messire Robert de Noefville et pluiseurs aultres. Sy se tinrent à Calais environ ung mois, et couroient ly Englès tous les jours en le conté de Faukenberghe et eu Boulenois et jusques as portes de Saint-Omer.

Sy tost que messire Robert de Namur seut que le duc de Lenclastre estoit arivés et venus à Calais, sy envoia devers les chevaliers et les escuiers que il avoit retenu, et leur manda le jour qu'il volloit que il fussent tout venus devers luy, et fist ses prouvéanches en la ville de Bruge, et se hasta du plus tost qu'il peult.

XVn. — FROISSART. 31