LE DUC DE KOURGOGNE SE PORTE
Le roy de Franche, qui se tenoit à Roem, et qui là faisoit son amast de gens d'armes (et en avoit tant de toutes pars que mervelles che seroit à penser) , entendy que ly Englès et le duc de Lenclastre estoient arivés à Calais et ardoient et pilloient le roialme de Franche tous les jours. Sy eult consail le roy par grant délibération sur che, comment et pour le railleur et pour son honneur il ouveroit, se il envoieroit en Engleterre [ou bien] encontre ches gens d'armes et archiers qui estoient à Calais, syque, tout considéret et penset le bien contre le mal, il fu avisé et regardé que milleur estoit de aller contre les Englès, qui tous les jours ardoient le royaulme de Franche, que de aller en Engleterre. Che consail fînet, le duc de Bourgongne eut ordonnanche et commandement, de par le roy, qu'il se par- ^esist et enmènast tous les gens d'armes devers Saint-Omer. Cheste ordenanche fu signifiée à tous cheulx qui là estoient. Dont se deslogèrent de Roem et de le marche de là environ, et passèrent le Vexin etBieauvoisys et le rivière de Somme à Abeville et sur les passaiges d'environ, et esploitèrent tant que il vinrent à Saint-Omer. Là se loga le duc de Bourgongne, qui bien avoit en sa compaignie X"* hommes d'armes, chevaliers et esquiers.
Le duc de Lenclastre, qui bien avoit entendu que le duc de Bourgongne et les Franchois venoient viers Saint-Omer, ne volt mie pour son honneur que on le trouvast enfrumet en la ville de Calais, mais en yssy atout che qu'il avoit de gens d'armes et d'archiers, et s'en vint logier sur le mont de Tournehem. Là vint messire Robert de Namur à grant compaignie, et passa parmy Brabant et Flandres. Sy estoient en sa compaignie et dessoubs luy messire Guillame l'Ardenois, le sire de Spontin, messire Buriaulx de Jupelu, le sire de Gesmes, messire Lambert de Gesmes, son frère, messire Ernoul de Molenbais , messire Daniel de Selles,
AU DEVAM DU DLC DE LANCASTUE. 483
messire Henry de Senselles et des aultres que je ne puis tout nommer, et estoienten sa compaignie IP combatans, auquel le duc de Lenclastre flst grant feste, quant il le vit delés luy.
Le duc de Bourgongne, et toute ses gens d'armes, s'en vint logier à une petite lieue des Englès, et estoient les Franchois une moult belle compaignie, et avoient les Franchois grant désir de combatre les Englès , car il estoient bien six contre ung, et toute bonnes gens à l'eslite ; mais tous les jours venoit nouvelles en l'ost et commandement de par le î'oy de Franche que point ne se combatissent sans son sceut et congiet , car le roy doubtoit fort les fortunes, et furent un lonc taraps en chel estât. Et avint que à une matinée les Franchois, environ Y" lanches, montèrent le mont de Tournehem pour venir escarmuchier l'ost. Celle nuit avoit fait le gait messire Robert de Namur, et estoit l'etrais ung peu [avant] soleil levant. A son logis n'estoient mies tous ses gens désarmés, ne luy ossy, mais séoit à table, et le seigneur de Spontin delés luy, quant les nouvelles ly vinrent que ses gens se combatoient as Franchois, qui les avoient envaïs et assallis. Tantos il se leva et mist le baphinet sur sa teste , et fîst lever sa banière, et monta sur son coursier, et s'adrecha vers la bataille, et ses chevaliers delés luy, et vint tout à point au liustin. Ly ost se commencha à esmouvoir et aler celle part. Là furent Franchois reculé, et en y et de mors et de pris aulcuns, et y fu mors, dont che fu daraaige, messire Rogier de Coulonges, ung chevalier de Picardie. Sy sen retournèrent les Franchois à leur logis , et ly Englès ossy.
Depuis n'i eult fait cose qui faiche à recorder ; mes en che tamps, droitement en my-aoust, trespassa de che siècle
