MORT DE LA REINE D'ANGLETERRE

le noble et vaillante royne d'Engleterre, madame Phelippe, dont tout manières de gens furent courouchies : che fu raison. Sy fu ensepvellie en l'abéie de Wesmonstre dehors Londres.

Or parlerons-nous ung petit des besoignes de Poitou et de Saintonge.

Vous avés bien chi-dessus oy recorder de la chevauchie de Quersin et de Roergue, et comment les barons qui fait l'avoient, estoient retournés en Angolesme devers le princlie, et y trouvèrent clieuls ossy qui avoient esté au siège et conquis Bourdielle. Sy furent moult joieus, quant il les ■virent tout ensamble, et regardèrent pour le mieulx où il poroient emploier leur saison, et avisèrent qu'il se trairoient tout devant ung fort castiel qui siet sur les marches d'Ango et qui s'apelle le Roche-sur-Ion. Sy s'en allèrent celle part en grant arroy, et estoient plus de III chevaliers et tout ensamble bien VHP combatans. Sy le asségèrent et avironèrent. Et dedens le castiel estoit, de par le duc d'Ango , capitaine et gardiens ung chevalier qui s'apelloit raessire Jehan Blondiauls. Entre ceulx de l'ost et le chevalier fu fait ung traityés que il devoit rendre [le castiel], leur biens et leur vie sauve, et encore devoit le dit chevalier avoir six mille frans pour les prouvéanches que les dit Englès trouvèrent ou castiel. Par ceste ordenanche eurent les gens du prinche la Roche-sur-Ion, et s'en party messire Jehan Blondiauls, et vint en le cité de Angiers ; mais osy tost que il fu venus, il fut pris et jettes en le rivière et noyés. Et les Englès se saisirent de le Rochesur-Ion, et ne l'euissent pas rendu pour cent mille frans ; et puis s'en retournèrent en Angolesme devers le prinche .

En che tamps fu délivrés de prison le visconte de Rocouwart , que le prinche y avoit fait tenir pour chou