SUITE DES GUERRES DE POITOU ET DE SAINTONGE

que on le souppechonnoit frauchois , et fu délivrés à le prière de ses amis. Après se délivranche , il s'en vint, au plus couverteraent que il peult, à Paris , et se tourna franchois, de qaoy le prinche, quant il sceut ces nouvelles, se tint pour dëcheus , et ossy firent chil qui priet l'en avoient.

En che tamps trespassa à Fontenay le conte [sénescal ?] de Poito,et li fist-on son obsèque à Poitiers ; et puis fu sénescauls messire Jehan Candos ; et s'en vint demorer à Poitiers.

Or parlerons-nous, entreuls que on setenoità Tournehem, d'une adventure qu'il advint encore au conte Jehan de Pennebourcq

Messire Jehan Candos , en nouvelleté de sa sénescaudie de Poito , mist sus une compaignie de gens d'armes et de compaignons avecque chiauls de son hostel , et estoient bien V" lanches , et avoit en pourpost de chevauchier jusques en Touraine et jusques à la rivière de Loire , et en pria le conte de Pennebourcq que par compaignie il volsist adont aller avoecques luy, sy en vauldroitleurafaire mieulx. Ledit conte ne fu mie adont consilliés de y aller et s'en escusa. Pour che ne demora mie que ly dessus dis ne fesist son emprise, et entra esforchieraent en Ango , ardant et exillant le pais d'Angho, et rainchonnoit villes et castieaulx et hommes , et prist sen tour parmy ung pais que on apelle Laudonnois , et y séjourna bien ung mois , et costièrent Touraine, et s'en vinrent sur le rivière de Cruesse , et rentrèrent atout grant conqueste en Poito , et là départirent leur butin , et s'en revint le dit sénescaus logier à Poitiers.

Ne demeura puis gaires de tamps que le conte de Pennebourcq volt faire sa chevauchie à par luy, et prist chevaliers et escuiers ou pays , et eiilt bien VIP" lanches , sans ceulx de son hostel , et entra ou chemin proprement que messire