SUITE DKS GUERRES DE POITOU ET DE SAINTONGE

Jehan Candos et les siens avoient fa;it , et fist auques tels voiaiges. Or avint que messire Lois de Saint-Julien , messire Guillame des Bordes et Caruels li Bretons , qui tenoient bien M. lanches sus le païs , entendirent par leur espies que le conte de Pennebourcq chevauchoit et n'avoit daigniet aller en le compaignie de monseigneur Jehan Candos. Sy se queillèrent ensamble et se mirent as camps et poursiévirent tant le conte de Pennebourcq que il le trouvèrent en une plate ville en Poito, que on dist le Puirenon à eure que ly et ses gens sp logoient et estoient jà espars par les hostels. Evous ces Fianchois venus pourveus do che qu'il dévoient faire, et se boutèrent en ces Englès et en mirent jus des prumières venues à grant foison. Toutesfois il se requellèrent ensamble au raieulx qu'il porent et se retrairent en une maison de Templiers , au dehors de la ville , frumée de murs. Là s'encloïrent-il et s'y tinrent che jour et le nuit moult vaillaument ; car il furent , che saichiês , moult aspreraent assallis. Finablement messire Jehan Candos , qui se tenoit à Poitiers , fut informés de che fait. Au matin fist sonner ses trompes et monter à cheval, et s'en venoit celle part. Ly Franchois oïrent dire que messire Jehan Candos venoit à grant puissance. Sy n'eurent pas consail de les atendre ; car il estoient moult lassés et travilliés d'asallir , et sy avoit grant pillaige et des bons prisonniers qu'il ne volloient mie perdre. Sy se partirent et se retrairent à le Roche-de- Ponsoy , et messire Candos et sa route encontrcrent ledit conte et ses gens qui s'en venoient viers Poitiers tout à piet , ou au mieulx les deus montés sur ung cheval. Sy se firent grant congnoisanche, et retournèrent tous ensamble à Poitiers. Ensy ala de le chevauchie du conte de Pennebourcq.