G SUPPLICE DE ROGER DE MORTIMER
gnurent bien que c'estoit par hayne et par envie de par madame la mère du roy et monseigneur Rogier de Mortemer. Sy n'en furent oncques depuis tant amé que devant.
Assës tos après une vois courut et renommée, que la mère du roy d'Engleterre estoit enchainte des fais de monseigneur Rogier de Mortemer. Sy fu ceste chose noteffye que on ne le peult excuser , et furent pris tout deus (la royne et messire Rogier) par le requeste de tout le pays, et fut ledit messire Rogier jugiet et condampnés à morir , pour tant qu'il s'estoit fourfais d'avoir engroissiet sa dame et la mère de son seigneur , et pour tant ossy que à tort et par envie et que péchiet estoit meu pour ce que par faulse information il avoit fait morir le conte de Kent, que tout le royalme d'Engleterre amoit. Sy fut li dit messire Rogier exécutés à mort de celle mort que on fist morir monseigneur Hughes le Despensier , et la royne d'Engleterre fut envoyée en ung manoir sur les marches de Galles, moult belle place , et là ly furent ordonnés chevaliers et escuiers , dames et demoiselles, pour elle servir ; mais elle ne povoit partir dudit clos.
Après che que le jone roy d'Engleterre eut faites ces deus justices , il reprist nouvel consail et se gouverna depuis par bonne ordonnance.
Or advint environ ung an après que le roy Phelippe eust esté couronné , il eut advis et consail que il manderoit son cousin le roy d'Engleterre que il lui venist faire hommaige , ensi que il luy apertenoit, de la duché d'Aquitaine et de la conté de Pontieu et de la conté de Monstreul,
HOMMAGE d'Edouard m. 57
et sy furent envoyet grans messagiers et honnourables ensy comme il appertenoit , asquels le jone roy et madame laroyne firent grant feste et les rechurent honnourablement. Le roy d'Engleterre fu conseilliés de respondre , et dist que volientiers à le feste qui revenoit il yroit , et ceste response souffist bien aux messagiers du roy de France, et retournèrent arière en Fraiice. Le roi Phelippes , pour rechevoir son cousin le roy d'Engleterre honnourablement, .fist faire ung très-grant apparail en le cité d'Amiens. Quant le jour vint que le roy d'Engleterre y deust estre , il y fu en très-grant aroy, et passa la mer à cinquante chevaliers pour son corps , et trouva le roy Phelippe, ly quatrième de rois , le roy de Behaigne, le roy de Navare et le roi de Maillorque. Sy y eult en che temps en la chité d'Amiens grant feste et grant reviaus, et y fust le roy d'Engleterre et ses gens très-honnourablement rechut , et fist là hommage au dit roy de Franche de tout che que faire devoit et que à luy apertenoit , tant que le roy de France et ses consauls furent bien content. Après toutes ces choses faites , le roy d'Engleterre prist congiet au roy de France et as autres rois , et puis s'en party et retourna arière en Engleterre.
L'omme du monde qui plus ayda le roy Phelippes à parvenir à la couronne de France , che fu messire Robert d'Artois , qui estoit le plus hault baron de Franche et le mieulx enlinagés et estrais de roiale geste, et avoit à femme la seur germaine du roy Phelippe , et avoit tondis esté ses plus espéciaulx amis en tous estas. Et fut bien par l'espasse de trois ans que en France estoit tout fait par luy , et sans luy on n osoit riens faire. Après avint que che roy
38 KOIJKRT d'aRTOIS EN ANGLETliRUE.
Phelippe emprist et acuella messire Robert d'Artois en sy grant hayne à l'ocoison d'un plait qui estoit esmeult devant luy , dont le conte d'Artois estoit accusé , que ly dit messire Robert avoit gaigniet par le vertu d'unes lettres que messire Robert mist avant (et elles n'estoient mies vraies, sycomme on dist), que, se le roy l'euisttenu, en son air il l'euist fait pendre sans remède , et à che avoit la royne de France grant couppe ; car le plait estoit contre le duc Ode de Bourgogne son frère. Sy y bouta sy fort que le roy le fist banir publicquement et prist ses deus enfans qui estoient ses neveus , Jehan et Charles , et les tint en prison tant que il vesquirent. Et ne fu nulle terre dechà la mer qui peuist, ne osast soustenir le dit messire Robert, pour le doubte du roy de France. Sy le soustint le plus longement le ducq Jehan de Brabant , qui ly presta son chastel d'Argentuelle, Mais le roy Phelippes fist deffîer le duc de Brabant pour celle cause , et envoia douze prinches qui ardirent le pays, et y furent les Lyégois adont jusques à huit [fois]. Et convint finablement que ly duc donnast congiet à monseigneur Robert d'Artois , son cousin , ou il euist rechut grant damaige. Sy se party le dit messire Robert d'Artois tous desconfortés , et entra en mer à l'Escluse et esploita tant qu'il ariva au kay de Londres en Engleterre. Sy demanda après le roy , et on luy dist qu'il estoit à Windesore. Sy se traist celle part et s'acointa sy bellement du roy qu'il lui fist grant chière et le tint delés lui, et là dist le roy que il n'y aroit garde d'omme du monde , tant fust ennemis.
Quant mesire Robert d'Artois eut esté une espasse de temps delés le roy d'Engleterre , et il eut apris le pais et à congnoistre les barons et les chevaliers qui tout luy monstroient grant samblant d'amour , sy ne povoit oublier le grant despit que le roy Ph lippe , son bieau-frère , ly
GUERRE COM'RE LES ÉCOSSAIS. o9
faisoit et avoit fait à petite cause et tollut sa signorie et emprisonnet ses ■ enfans et bany de son royalme. Sy s'avisa que il s'en vengeroit, se il povoit , et porteroit au roy Phelippe grant contraire. Ils , qui estoit bien enlangagiet et saiges et soubtil en ses besoingnes, comença petit à petit à enfourmer le jone roy d'Engleterre que le roy Phelippes de Vallois luy tolloit son hiretaige de France , dont il deuist estre rois par proismeté de sanc et de linaiges; car le roy Charles darain trespassés , duquel Phelippes de Vallois tenoitl'iretaige, avoit esté son oncle , frère germain à sa mère , et cheluy Phelippes ne luy estoit que cousins germins. Ensy estoit recullés ledit roialme ung point.
A ces parolles entendy le roy d'Engleterre vollentiers ; mais il n'en esploitta raie sy très-tost. Car point ne le trouva en son conseil ; car autres besoingnes lui sourvindrent contre les^scochois , où il eut grant guerre pour la cause de la cité de Bervich , que ly roy Robert de Brus avoit conquis sur les Englès, et se le voult le roy d'Engleterre ravoir, quoyque le roy David fuist ses sourouges. Sy le deffîa , et vint mettre le siège devant la dite chité de Bervich à grant puissanche et le reconquist sur les Escochois l'an rail trois-cent trente-trois , en après le bon chastel de Stuvelin et tout le pais d'Eschoce jusques à la mer d'Escoche et à la rivière Taye quy keurt à Saint- Jehan-Ston, et partout mist gardes et gens d'armes, et guerria tellement son seurouge que il luy convint partir et widier d'Escoche , et s'en vint en Franche à Paris et là amena sa femme, et releva sa terre du roy Phelippe et fist grant alliance à luy, parray tant que lo roy Phelippe ly
40 GtERHE CO^TRE LES ÉCOSSAIS.
deust aidier à conforter contre les Englès, ensy qu'il fist, et envoya moult de gens d'armes par mer en Escoche , qui là firent guerre as Englès qui là se tenoient. Mais sachiés que les Franchois et Escochois ne l'avoient raye d'avantaige contre les Englès ; car pour che tamps tenoit-on la guerre en Escoche ou non du roy d'Engleterre , et en estoient capitaine messire Gautier de Masny et messire Guillame de Montagu qui puis fut conte de Saliebrin. Ces deux chevaliers y firent tant de grans fais d'armes que che fut mervelles, et y eult pluiseurs dures et grans rencontres par pluiseurs fois , et ne s'osoient les Escochois tenir fors ens es forests de le Sauvaige-Escosse , et par espécial en la forest de Gédour. Là ne les aloient point les Englès quérir. En ces chevauchies et armées d'Escoche aquirent ces deux chevaliers dessus dis haulte honneur et grant renommée , et par espécial messire Gautier de Masny , et fist en che tamps messire Guillame de Montagu faire une forteresse contre les Escochois , qui se nomme Rosebourcq , qui n'estoit que devant une bastille , qui siet sur les marches de deux royalmes de l'une partie d'Escoche , et estoient cappitaine et souverain et meneur de la guerre pour le roy d'EsCoche , leur seigneur , qui estoit en Franche , messire Guillame de Douglas, neveus de che Guillame qui demora eu Grenade , et le jone conte de Mouret , messire Robert de Versy , messire Simon Fressiel , et Alexandre de Ramesay. Sy avoient souvent les Escochois et les Englès des rencontres et escarmuches les uns contre l'autre. Une fois perdoient et l'autre fois gaignoient , mais sur tous enportoit le cry des Englès et des Escochois messire Gautier de Masny.
AMBASSADE ANGLAISE EN HAINAUT. 4i
Or revenons à la matère et au pourpost de monseigneur Robert d'Artois qui enortoit et consilloit le roy d'Engleterre tempre et tart que il deraandast et callengast son droit hiretaige et le couronne de France que messire Phelippes de Vallois ses cousins ly tenoit et dont il l'avoit désavanchiet. Le roy d'Engleterre , qui pour che tamps estoit moult jone , y entendi moult YoUentiers ; mais che luy sambloit sy grant chose de entreprendre et demander la couronne de Franche , que il ne s'en osoit avanchier ; car, tout considéré en luy-mesmes , se il le demandoit et puis en déchéoit , il luy tourneroit à grant>blame. Ossy d'autre part grant vergogne et honte ly seroit, se par se deifaulte il perdoit son hiretaige. Sy en eult le roy sur ceste matère pluiseurs consauls , et consillèrent entre luy et ses gens d'Engleterre. Finablement le roy Édouart fu consilliés des plus autentiches de son consail que il envoyast ung esbassade notable devers le conte de Hainau son bieau-père, liquels estoit ung prinche saiges et ymaginatif, assavoir que il diroit ce que il en diroit , et que hardiement il, en fesist tout ce que il en diroit de faire. Che consaulx fu tenus. Adont y envoyast- on une esbassade , et y ala messire Thumas Waghe, mariscal de Engleterre, le sire de Persy, le sire de Neufville, le sires de Manne et deux clers en droit pour aller en Haynau et remonstrer toutes ces besoignes au gentil conte. Sy s'ordenèrent et se partirent pour aller en Haynau, et passèrent la mer et exploitèrent tant que il vinrent à Vallenchiennes. Là trouvèrent le conte de Haynau qui gisoit malades de goûtes. Sy allèrent devers luy, et furent rechut moult grandement du conte et de la contesse, pour tant que il estoient au roy d'Engleterre et à sa fille la royne d'Engleterre.
Ces seigneurs qui là estoient envoiet de par le roy d'Engleterre, monstrèrent au conte moult bellement et moult
