XVII. — FROISSART

CHEVAUCHEE DE ROBERT KNOLF.ES.

chière. Ensa compaignie estoient des sigiieurs d'Engleterre, messire Thomas de Grantson , messire Alains de Boukeselle, messire Gillebert GifFars, le sire de Fil-Water, messire Jehan Boursier, messire Guilîame de Noefville, messire Joffrois Oursellée et pluiseurs aultres, et de tous estoit souverains et cappitaine messire Robert Canolle. Quant ches gens d'armes se furent refais à Calais quinze jours, il s'en partirent et se mirent au chemin moult bien ordonné, et chevauchèrent devant Ghines et devant Ardre, et vinrent courir devant Saint-Omer, et puis prirent leur chemin devers Térouane, mais point n'y asallirent ; car le conte de Saint-Pol estoit dedens atout IL lanches, qui se mirent tantost à monstre pour deffendre le chité, se on l'euist asally. Sy passèrent oultre et entrèrent en Artois ardant et essillant le pais, et s'en vinrent logier au Mont- Saint-Éloy, et là furent deux jours, et renchonna ledit messire Robert l'abéie du Mont-Saint-Eloy à non ardoir parmy cent frans et deux quarées de vin et otant de pain. Sy se deslogèrent d'illecq et costièrent Aras, et ardirent les coureurs un petit des fourbous, et puis passèrent oultre et prirent le chemin de Bray-sus-Somme, et tant firent que il y vinrent. Là ot grant assault , mais riens n'y firent ; car la ville estoit bien pourveue de gens d'armes, qui bien se defFendirent. Sy passèrent ly Englès oultre vers Pérone-en- Vermendois , mais riens n'y firent, et puis s'en retournèrent vers Saint-Quentin et chevauchèrent en grant ordenanche et sans péril en che biau païs de Vermendois, et firent tant que il vinrent devant Noion, et là eult grant assault as barières ; mais riens n'y firent. Sy passèrent oultre ; et chil qui demoroient derrière, pour che qu'il perdirent de leurs compaignons, que chil de Noion prirent au deslogier, ardirent le ville du Pont-l'Évesque sur le rivière d'Oise. Or passèrent oultre en le conté de Vallois et pas-