I.KS FRANÇAIS s'ïîMPARENT DE LIMOGES

sèrent toutes les terres au sigiieur de Couchy ; mais riens n'y firent , car le signeur de Couchy, sycomme dessus est dit, n'estoit point en Franche. Ensy tenoit les camps messire Robert CanoUe, ne nuls ne ly aloit au devant, et avoit intention de venir devant Paris et de combatre les Franchois, se il issoient hors contre luy.

Vous avés chi-dessus oït recorder du mandement que le prinche de Galles fist à Congnach de tous les chevaliers de Acquitaine, qui à luy obéissoient. Quant il furent tout venut, sy en eult grant foison, et estoient bien XIIc lanches et IIII" d'autres gens. Sy se départirent de Congnach en grant ordonnanche, et dist le prinche qu'il volloit chevauchier en Roergue pour trouver le duc d'Ango. Sy prirent ce chemin. Le duc d'Ango fut informés que le prinche venoit à puissanche celle part. Sy eult consail de luy retraire et d'envoier ses gens en garnison ; car pour celle saison il en avoit assés fait. Sy se partirent toutes ses gens et prist congiet de yauls et envoia messire Bertran de Claiquin et tous les Bretons en Limosin ; car le duc son frère séoit devant Limoges. Et puis se retrait le duc d'Ango devers Toulouse, et messire Bertran esploita tant qu'il vint à Limoges au siège que les Franchois y tenoient ; sy fu là rechut des seigneurs à grant joie.

Pour le tamps de lors estoient chil de Limoges en traitiet pour rendre la cité, et y metoit l'évesque du lieu grant paine. Sy aida ledit messire Bertran à faire et passer che traitiet, et se tourna la chité de Limoges franchoise. Et tantost après che que le duc de Berry eult pris la possession, il se retrait vers Berry atout ses gens , car enfourmés fu de messire Robert Canolle, qui volloit venir en Auvergne ; et pour che le duc de Berry et le duc de Bourbon se