LE PRINCE DE GALLES ASSIÈGE LIMOGES

retrairent en leur pais pour garnir villes et chastiaulx. Mais à leur département le duc de Berry institua à demorer en Limoges raonsigneur Jehan de Villemur et monsigneur Huge de la Roche et Rogier de Bieaufort.

En che tamps revint tenir son siège en Avignon le pappe Urbain V®, qui s'estoit soustillement partis de Romme, de quoy le roy de Franche et tout le royalme furent moult resjoïs ; et messire Bertran de Claiquin entra en Limosin et fist guerre en le visconté de Limoges pour madame de Bretaigne qui fu [femme à] monsigneur Charles de Blois : sy prist villes et chastiaulx et guerria grandement le païs au title dessusdit.

Quant les nouvelles vinrent au prinche de Galles que Limoges estoit tournée franchoise et que ly évesques du lieu, qui estoit son compère, y avoit grant coupe, sy fu moult courouchiés et ordonna ses besoignes pour aller celle part. Très dont ne povoit-il chevauchier, mais se faisoit mener en litière. Tant esploita le prinche atout son ost qu'il vint devant Limoges et y mist le siège, et jura que jamais ne s'en partiroit, que il ne le raroit à sa vol lente, et fist mettre mineurs en euvre pour mieulx esploiter, sans travillier ses gens, au prendre ladite chité.

En che tamps chevauchoit en Franche messire Robert Canolle, tout ensy qu'il volloit ; car nuls ne ly deffendoit, ne aloit au devant, et passa toutes les rivières qu'il convenoit passer pour venir devant Paris, au lés devers Gastinois, est-à-savoir la rivière de Somme prumièrement, et puis Oise, Aisne, Marne, Aube, Saine et Yonne, et fu logiet devant Paris jour et demy, et manda au roy de Franche et à chiaulx de Paris par ung hirault que, se on le volloit cora-