ROBERT KNOLLES DEVANT PARIS

batre, que on le trouveroit tout apparilliet sur les camps, et que ne quéroit [que bataille] en Franche, ne n'estoit pour aultre cose là venus ; mais à cheste requeste on ne \y respondy point, car le roy n'estoit pas consilliet pour le combatre. Dont se desloga ledit messire Robert CanoUe de devant Paris et prist le chemin d'Orliens et de Gastinois pour aller sieuvant chelle bonne rivière de Loire et le bon cras pais, et dist, se il plaisoit à Dieu, il yroit veoir le bon pais d'Ango et du Maine.

A son département de devant Paris, eult ung chevalier de sa route, qui vollpit faire aulcuns fais d'armes, mais mieulx ly voulsist à estre tenus cois, et s'en vint lui et son paige tant seullement courir jusques as barrières de Paris et près de la porte Saint-Jaques où le conte de Saint-Pol et messire Wallerans son fils et grant foison de bons chevaliers estoient ; mais il ne fu point respondu. Au retour que ledit chevalier fist, il eult rencontre d'un viliain boucher qui l'atendy à ung pas, et d'une [hace] en passant l'abaty jus de son cheval et là l'ochist : dont che fu damaige, car je croy bien que amours ly avoient fait faire celle haulte emprise.

En che tamps fu pourposé des barons de Franche par le promotion du duc d'Ango à estre connestable de Franche messire Bertran de Claiquin ; car ossy de l'ofRse se volloit déporter messire Moriaulx de Fiennes. Or retournerons au prinche de Galles et au siège de Limoges.

Environ trois sepmaines sist le prinche de Galles devant Limoges, et avintquechil qui empris l'avoient de miner, vinrent à chief de leur mine et firent un grant pan de mur reverser , par quoy tout aisse on pooit bien entrer en la chité. Le prinche de Galles qui moult aïrés estoit sus chiaulx de Limoges , commanda que tout fuissent