BATAILLE DE PONT-VALLAIN

Là quéirent-il en l'embusque des Franchois, et furent soudainement rencontré ; car de che ne se donnoient garde. Là eult grand hustin et dur, et finablement ly Englès ne peurent porter le fais, ne soustenir les Franchois, et furent tout pris ou mors. Petit s'en sauvèrent. Et s'en retournèrent les Franchois atout leur prisonniers en la chité du Mans.

Quant messire Robert Canolle entendy les nouvelles que ses compaignons avoient esté rués jus, sy se retrait au plus bellement que il pot et le plus saigement en Bretaigne,et vey et congneult bien que traïson y ayoit eut. Sy s'en soufFry adont au mieulx qu'il peult et donna tout ses gens congiet, et se retrait en son castiel de Derval, et messire Alains de Buqueselle, qui ses compains avoit esté en cheste armée, rapassa la mer avoecq les Englès, et recorda au roy d'Engleterre tout le fait comment il avoit allé. Sy furent adont le roy et son consail courouchiés sur Robert Canolle, et leur sambla qu'il ne s'estoit point sur la fin de sa chevauchée bien acquîtes. Sy en fu moult mal de court, et puis en eult se pais et fu du tout escusés.

Après la conqueste de Limoges [et la descoufiturej de Pont-Velain, messire Bertran de Claiquin demoura en l'office de le connestablerie, et trespassa de che siècle en Avignon, environ le Noël, le pape Urbain V^ Sy fu Grigores XI« papes, qui moult greva et oppressa le clergiet en décimes et en soubsides, et donna deus fois le décime au roy de Franche en son royalme.

En che tamps trespassa en le chité de Bourdiaulx Édouwars, aisnés fils au prinche de Galles, dont laprinchesse et le prinches furent moult courouchiés, Adont fu le prinche