SIÈGE DE MONTCONTOUR. S

Ensy reult le duc de Lenclastre la fortresche de Montpaon, et le donna à monsigneur le captaul de Beus, qui en prist le possession, et y mist gens de par luy, et le duc de Lenclastre s'en retourna arière à Bourdiaus.

Après le reconqueste de Montpaon, et que le duc fu retournés à Bourdiaus, et tous les Poitevins eurent prins congiet de luy, le sires de Pons, par le pourcach du visconte de Roçouwart, et aulcuns signeurs de Poito se tournèrent franchois, et se femme et sa ville demourèrent englès. De ceste advenue fu le duc de Lenclastre moult courouchiés, et tout les chevaliers de Poito, car il avoient perdu en luy ung grant bourdon; mais souffrir les convint, car amender ne le peureut.

Or eurent conseil ly Poitevin, messire Guichart d'Angle, messire Lois de Harcourt, le sire de Partenay, le sire de Tanaibouton et ly aultres que chil de la garnison de Montcontour, dont messire Pierres de la Grésille et Jourdains de Coulongneestoientcappitaines,les constraindoient moult;car il couroient tous les jours devant Poitiers et devant Touwars. Sy firent les barons et chevaliers de Poito ung mandement à estre à Poitiers pour aller devant Montcontour. Sy se trouvèrent bien M. lanches et II'" brigans à lances et à pavais. Sy se partirent de Poityers,et messire Thomas de Persy leur sénescaus avecques yaus, et s'en vinrent devant Montcontour, et là mirent le siège tout autour et afrumèrent entre yauls que point ne s'en partiroieut, sy l'aroient. Là eult pluiseurs assauls et escarmuches et presque tous lesjours. Avecq les Poitevins estoient de gens decompaignes David HoUegrave, Bernart de West, Lamit, Naudon de BagerautetCressuellesquiavoitplusde C combatans dessous luy. Sy dura che siège ung grant tamps ; car ly castiau de Montcontour est moult fors, et estoit pourveus pour che

tamps de bonnes gens d'armes et de grant pourvéanches. Sy avoit grant avantaige de estre tenus et deffendus plus légièrement.

Nous nous cesserons ung petit déparier du siège de Montcontour et parlerons de monsigneur Bertran de Claiquin, (jui estoit connestable de Franche et qui s'estoit tenus ung grant tampià devers le roy à Paris. Bien savoit le connestable comment ly Poitevin et li Englès avoient asségiet Montcontour. Sy s'avisa que il yroit en Limosin et en Auvergne ; car là avoit encores pluiseurs chastiaulx oîi Englès se tenoient, dont c estoit grandement au préjudisse du royalme de Franche et des seigneurs et de luy qui estoit connestable. Sy le remonstra au roy, et le roy qui se corn menchoit grandement à confier en luy, luy acorda tout son pourpos et commanda expressément à tous ses frères et as plus prochains de son linage que tout obéissent à luy, ou aultrement il lecouroucheroient. Tout respondirent au roy que il estoient aparliet de faire tout che que à messire Bertran de Claiquin plairait otant bien comme au roy meismes. Dont se départirent chils seigneurs de Paris, et s'en vint le duc de Berry en son pais, et le duc de Bourbon enBourbonois,etensy tout ly aultres,et firent leur mandement espéciauls. Et s'en vint le connestable en la chité d'Orliens,et assambla tout les Bretons et Picars et Francliois,et puis passèrent oultre et vinrent à Bourges en Berry, et le seigneur de Bieaugieu et grant chevallerie, et puis passèrent oultre devers Auvergne. Sy revinrent le duc de Bourbon, le conte de Alenchon,le conte du Perche, le conte de Vendosme, le conte de Saint-Pol, le conte de Boulongne, le daulfin d'Auvergne, le sire de Sully et tout chil barons qui mandés et ordonné estoient. Sy tirèrent tout devers le chité d'Uzès,qui se tenoit englesse; car Englès le tenoient et avoient tenu ung grant tamps. Sy le cuidoient