DE BERTRAND DU GUESCLIN

avoir osy tost que il seroient là venus, mais non n'eurent ; car oncques gens ne se defFendirent sy vaillaument que cils firent, qui dedens estoient, ne oncques en che voiage on ne les peult conquerre, et y furent ly seigneurs environ douze jours.

Quant le connestable vit que point ne l'aroient, si eulrent conseil de aller aultre part en lieu où il prouffiteroient plus , sur le marche de Limosin ; car encores y avoit aulcuns oastiaulx qui se tenoient et qui le pais durement gastoient. Sy se départirent tous ches gens d'armes de devant Uses l'un de l'autre, et s'en vinrent le duc de Berry , le duc de Bourbon , le conte du Perche , le conte de Saint-Pol et pluiseurs autres grant signeur en Avignon devers le pappe Grëgore et le duc d'Ango qui se tenoit à Villenove dehors Avignon. Sy furent en grant récréation ensamble toute la sepmaine peneuse et jusques après Pasques. Et là fut fait le traitiel de mariage de mademoiselle Marie de BouUongne, fille au conte Jehan de BouUongne , et de monsigneur Bernart, conte de Clermont et daulfin d'Auvergne,

Tantost après les Closes Pasques, à l'entrée de may, que on conte l'an mil IIP LXXI , chil signeur prirent congiet au pape et se retournèrent tout en Auvergne devers messire Bertran , et s'en vinrent derechief mettre le siège devant Uses, et y sirent [tant] et par sy bonne ordonnanche l'açallirent que cils de dedens se rendirent, et s'en partirent chil qui partir s'en volloient, saulve leurs corps seulement. Ensy se porta le traitiet , et fu la chité d'Usés franchoise et rendue audit conte d'Usés, qui en eutt grant joie. Puis chevauchèrent les François avant , qui estoient grant nombre de gens d'armes , et reconquirent sur les Englès en Auvergne et en Quersin et en Limosin en celle saison pluiseurs castiaulx^ et tinrent tout l'esté les camps ; car il avoient les compaignes , excepté les Englès , de leur acort.

510 ALLIANCES d'ÉDOUARD III EN ALLEMAGNE.

Or parlerons-nous ung petit de l'ordenanche d'Engleterre.

Ly rois Édouwars d'Engleterre, qui se veoit guerryer de tous costés , acquéroit amis par deçà la mer , che qu'il povoit , et par espésial en l'empire d'Alemaigne, et avoit pour luy oudit empire pluiseurs grans seigneurs, ducs et barons apparilliet à son serviche si trestost que il seroient semons; et les deus seigneurs plus espésiauls où il espéroit plus grant confort et qui raieulx le povoient conforter et aydier , c'estoient le duc de Gueldres son nepveu et le duc de Jullers , et ly avoient promis chil doy signeur serviche de IIP^ lanches , parmy le confort de messire Robert de Namur , qui ossy estoit tout apparilliés quant il plairoit au roy d'Engleterre. Dont chil signeur et leurs gens avoient bien intention de faire ung grant fait en Franche et de chevauchier jusques à portes de Paris , maulgré tous cheuls qui empeschier le voldroient. De quoy, sus chel estât, à le fin que le mieulx il monstrast que la besoigne estoit [sienne] , le dessus dit roy d'Engleterre eult consail de remander son fils le duc de Lenclastre , qui estoit en Gascongne , pour estre avecques les dessus dits ducs atout ung grant nombre de gens d'armes et d'archierspour mieulx espJoitier en Franche.

Or avint en celle saison, entreus que ches besoignes se vacoient, que messire Winchelans de Behaigne, duc de Luxembourg et de Brabant, enprist une guerre contre le duc Guillarae de Jullers pour aulcun inconvénient et desplaisir que le duc de Jullers ly avoit fait en le terre de Fauqueraont, et tant que il le deffia et que la guerre fut toute ouverte et que le duc de Brabant atout sa puissanche

BATAILLE DE BASTWEILER. 514

s'en vint contre luy , siques entre Tret- sus-Meuse et JuUers les deus host trouvèrent l'un l'autre et se combatirent à bataille rengie , et là eult forte bataille qui longeraent dura , et y fu mors messire Edouwart de Gueldre qui pour che tamps estoit la fleur de chevalerie en Allemaigne, et ens es parties de là estoit delés son père le duc de JuUers. Non obstant, le duc de Brabant et ses gens par le forche et puissanche des AUemans furent desconfis , mors et pri3 , et là fut mors le conte Gui de Saint- Polet graut foison de bons chevaliers et d'escuyers, etpris le duc de Brabant et messire Robert de Namur , messire Lois de Namur , messire Guillarae de Namur , messire Wallerans de Ligny , fils au conte de Saint-Pol, et pluiseurs aultres. Et fu ceste bataille l'an de grâce mil Iir LXXI , par un venredy , le jour Saint-Bertémieu en aoust. Toutesfois par le mort de monsigneur Edouwart de Guéries , qui estoit ung très-grant capitaine de gens d'armes, et pour le doubte ossy que le duc de JuUers eult , que on ne ly ardesist son païs , se il s'en partoit (car l'empereur d'Allemaigne estoit frères à ce duc de Brabant , et par laquelle puissanche il fu puis délivrés) , le voiage du roy d'Engleterre et ses pourpos fu brisiés et rompus et ne se fist point en celle saison ; car chil qui confort ly avoient promis, furent sy ensonnyet tant d'une part que d'aultre , que il n'y avoient loisir d'entendre.

En che tamps et chil yvier trespassa de che siècle che gentil chevalier messire Gautier de Mauny en la chité de Londres, et fu ensepvelis en une église des Chartrous au dehors de Londres, laquelle il avoit fait fonder et les religieulx approuvender. Sy fu le conte Jehan de Pennebrucq, ses fils, sire de toutes ses terres, tant en Haynau comme d'aultre part.