MORT PU ROI DE MAJORQUE

Napples, sa femme, et de la marquise de Montferrat sa seur, il fut mis à financlie et paia cent mille frans. Depuis ne demoura-il guères de tamps que atout gens d'armes et grant mise il revint en Avignon devers le pappe Grigore XP et se complaindy à luy du roy d'Aragon qui luy tolloit son hiretaige de Maïogres.

Le pappe fut adont consilliet que il consenty bien audit roy de Maïogres de faire guerre au roy d'Aragon, et prist le roy de Maïogres gens d'armes là où il les pot avoir, et fist tant qu'il eult bien M. lanches, que Francliois, que Gascons, que Englès, en brief tans, desquels messire Garsioiis du Castiel, messire Jehan de Malatrait, Selevestre Bude et Jaques de Bray estoient cappitaines. Et eulrent ces gens congiet par l'acort du duc d'Ango de passer parmy Franche, ensy qu'il firent, et entrèrent entre Fois et Hiermignach ens ou royalme d'Arragon, et firent là grant guerre ou royalme d'Arragon, tant que de pillier et d'ardoir sur le plat pais et de ochire hommes et femmes.

Le roy d'Arragon qui estoit grans et puissans, qui ne prisoit, ne doubtoit son adversaire le roy de Maïogres, envoia garnir ses chités et ses chastiaus et mettre nouvelles garnisons et prouvéanches. Et pour estre plus fors sur les frontières, affinque ches gens d'armes ne ly pourcachaissent nul damage plus grant que il avoient fait, il envoia le visconte de Rochebertin et le visconte de Rodais atout grant foison de bonne gens d'armes et de brigans sus les camps et passaiges où ses ennemis povoient passer. Sy fu celle guerre dure et felle, et advinrent moult de raauls.

Celle guerre pendant, le roy de Maïogres s'acoucha mallades ou Val de Serye, de laquelle maladie il morut. Ensy eulrent chil d'Arragon pais de leur guerre, et s'en retourna chascun, qui mieulx mieulx, ens ou royalme de Franche ou devers les Englès, pour y avoir nouvelles saudëes.