MARIAGE DU DUC DE LANCASTRE ET DE CONSTANCE DE CASTILLE

Nous parlerons de monsigneur Jehan d'Engleterre, duc de Lanclastre, qui se tenoit à Bourdiaulx-sus-Géronde et estoit tenus tout le taraps, et entendoit à faire pourveoir villes et castiaulx et garnisons parray le duché d'Acquitaine ; car il avoit intention de retourner en Engleterre. Entreus qu'il séjournoit en la chité de Bourdiaulx, il \y fu mis en avant qu'il se volsist marier. Il demanda en quel lieu. On \y dist que le roy dan Piètre de Castille avoit deus filles, sy presist l'aisnëe, par quoy il aroit cause de guerrier les Espaignos et grant droit à l'iretaige d'Espaigne. Ches parolles et infourmations entamèrent tellement le dit duc qu'il y entendy vollentiers, et envoia quérir en la chité de Baïone par ses chevaliers les deus demoiselles que ly rois leur père avoit là mis jadis de son vivant. Sy furent amenées devers Bourdiaus. Le duc de Lenclastre, bien acompaigniés de chevaliers et d'escuiers, alla contre elles et espousa depuis l'aisnée fille qui s'apelloit madame Constance, en ung village dehors Bourdiauls, que on dist Saint- Andrieu,et eultas noches grant feste des barons et des chevaliers du pays. Au chief de trois jours il vinrent à Bourdiaus,

Depuis ne demeura gaires de tamps que le duc de Lenclastre ordonna toutes ses besoignes pour partir du païs et retourner en Engleterre, et institua là le captaul de Beus, le signeur de Muchident et le signeur de Lespare à estre capitaines et gouverneurs de Bourdiauls et des marches de Gascongne, et en Poito messire Lois de Harcourt et le signeur de Partenay, et en Saintongo monsigneur JofFroy d'Argenton et monsigneur Guillame de Montendre. Et laissa en Poito et ens es marches partout sénescaulx et baillieus et offissiers, ensy que devant il estoient. Et puis entra en mer et monta ou havre de Bourdiauls à belle compaignie