LE DUC DE LANCASTRE RETOURNR EN ANGLETERRE

d'ommes d'armes et d'archiers, et se partirent avecq luy, tant pour luy compaignier que pour remonstrer les besoignes du pays au roy d'Engleterre, messire Guichart d'Angle, le sire de Puiane, le sire de Tharse, et enmena ledit duc avoecq luy sa femme et sa serouge Ysabel, et singlèrent tant par mer qu'il vinrent sans péril en Engleterre, et arivèrent ou havre de Hantone, et là furent deus jours pour yaulx rafreschir, et puis s'en partirent et firent tant par leurs journées que il vinrent à Windesore, où le roy se tenoit, et duquel il furent liement recheu.

Depuis ne demora gaires que messire Aymons, conte de Cantebruges, espousa la seconde fille du roy d'Espaigne madame Ysabiel, et en furent faites les neuches à Chartesée. Ches demoiselles furent filles aune dame fille jadis au roy de Portugal, etencores dist-on pour le tamps présent que elles estoient hoirs du royalme de Portugal de par leur mère et leur oncle, et ossy du royalme de Castille et d'Espagne, de Toulette et de Lusebonne et de Séville.

De la venue de monsigneur Guichard d'Angle fu le roy d'Engleterre moult resjoïs, car moult l'amoit, et l'onnoura grandement et ly donna grans dons et biauls jeuwauls, et le tint avecq luy tout le tamps.

Quant che vint à l'esté Tan LXXII, par le infourmation de monsigneur Guichard d'Angle et de ses compaignons, le roy d'Engleterre institua le conte de Pennebourcq qu'il apelloit son fil, pour aller en Poito et y estre le souverain de toutes les marches de Poito et de Saintonge ; car li Poitevins le volloient avoir, et avecq luy furent ordonné de y aller messire Othes de Grantson et aulcun chevaliers