DÉFAITE ET PRISE
d'Engleterre. Sy firent chil signeurs leur pourvéanches pour aller en Poito, et quant il eurent le congiet du roy, il s'en vinrent à Hantone et là se tinrent tant que il eurent bon vent pour passer, et furent là quinze jours. Au XVP, il se partirent et entrèrent en mer et se désancrèrent et singlèrent devers la Rochelle, et n'estoient que IP hommes d'armes et otant d'archiers, car messire Guichart d'Angle avoit infourmé le roy d'Engleterre qu'il avoient gens assés ens ou pais de Poito et de Saintonge, mais qu'il fussent payet de leurs gaiges, pour tenir les camps contre les Franchois, syques le roy d'Engleterre par le conte de Pennebourcq et ledit messire Guichart envoioit les sommes de florins si grandes que pour payer III™ sauldoyers ung an.
De l'aller monsigneur Guichart d'Angle en Engleterre et de tout leur esploit et ordenanche estoit le roy de Franche justement infourmës et avisés, et avoit tant fait devers le roy Henry de Castille que le roy Henry envoia sa navire la plus grosse devant la Rochelle, et se tenoient emprès la Rochelle, quant les chevaliers d'Engleterre revenoient de Engleterre par mer pour venir en Poito. De la navire d'Espaigne estoient gouverneur et amiral Cabesse de Vache, dan Ferrant de Pyon, Antoine Bouquenègre et Radigo de la Rocelle, Chil estoient grant gouverneur de naves et de vassiaulx et de gens.
Or avint que la nuit devant la vegille Saint-Jehan-Baptiste l'an dessus dit, ensy que le conte de Pennebourcq et messire Guichart d'Angle et leur routes cuidèrent prendre terre et arriver ou havre de la Rocelle, il eurent tel encontre de ches Espaignos qui estoient bien pourveu de gros vassieaulx et de bonnes gens d'armes à leur usaige , et leur sallirent prestement au devant ensy comme à leurs ennemis. Là eult grant bataille et dure et bien combatue , et dura tout che jour jusques au vespre, et conquirent à ce
prumier jour les Espaignos [deux barges] sur les Englès, et se retrairent chascun au soir jusques à l'endemain en espoir de encore corabatre. A chelle heure estoient en la ville de la Rochelle le sire de Tannaibouton , messire Jehan de Brues et messire Jaques de Surgières qui en grant paine se mirent toute la nuit de prjer à chiauls de la Rochelle qu'il volsissent conforter leur gens, mais il n'y volrent riens faire et monstrèrent par samblant qu'il fuissent plus joieulx de leur damaige que de leur proufît. Quant che vint à l'endemain de le nuit Saint-Jehan- Baptiste, il se mirent de rechief en bataille ensamble, et là eult forte bataille et dure, et conquirent les Espaignos de rechief quatre nefs et enfondrèrent deus, dont il me fu dit que toute les finanches que le roy d'Engleterre envoioit en Poito , estoit en l'une. Sy devés savoir que là eult fait pluiseurs grant fait d'armes, mais oncques gens ne se combatirent si vaillaument que firent les Englès. Et quant le sire de Tannaibouton et messire Jaques de Surgières virent qu'il ne povoient admener chieulx de la Rocellepour aydier leur gens, il entrèrent tout armet en une barge et s'en vinrent jusques à la bataille et s'acquitèrent loyauiment de che qu'il peurent. Finablement la journée fu pour les Espaignos, et y furent prins le conte de Pennebrucq, messire Guicart d'Angle, messire Othes de Grantson, le sire de Puiane, le sire de Tannaibouton, messire Jaques de Surgières, messire Robert Tinfors, messire Jehan Tourson, messire Jehan de Gruières, messire Simon Housagre, messire Jehan de Mortaing, messire Jehan Touchet, et furent mors Aimeris de Tharse et messire Jehan de Lantonne et pluiseurs aultres. Et furent les Espaignos tout maistre des Englès qui là estoient et de leurs vaissiauls, et se tinrent celle nuit de la Saint-Jehan toute nuit jusques à l'endemain en grant sollas devant la Rochelle ; ne oncques les bour-
