OWEN DE GAF.LES DÉBARQUE A GUERNESEY

gois de la Rochelle ne firent samblant que riens leur en fust. Celle [nuit] esploita sy bien messire Jaques de Surgières qui à la bataille avoit esté pris, que, parmy trois cens frans qu'il paia tout prestement, il fu quittes et délivres, et s'en revint arière le jour Saint- Jehan à la Rochelle , et ly aultres s'en partirent en démenant grantjoie et grant revel de trompes, et prirent le parfont de la mer pour aller en Espaigne,

Che propre jour entrèrent en la Rochelle bien IIF lanches , Gascons et Englès , que le sénescal de Poito et le sénescal de Bourdiaus y amenoiont. Sy furent moult courouchiés , quant il entendirent les nouvelles que leur compaignonsestoient pris etdesconfîs, et en dirent pluiseurs villonnies à chieulx de la Rochelle de che que aultrement ne les avoient confortés. Et par celle prise et desconfiture du conte de Pennebrucq , depuis se perdy tout le pais de Poito et de Saintonge au damaige du roy d'Engleterre , sycomme vous orés recorder assés briefraent en ches croniques.

Or vous parlerons de Yeuwain de Galles et comment il esploita en celle saison.

Chil Yeuwains de Galles , lequel estoit moult grandement en la grâce du roy de Franche , avoit jadis esté fils à ung prinche de Galles, lequel le roy d'Engleterre avoit fait morir et ly avoit tolut sa terre : sy le hayoit fort le dit Yeuwain , ne les Englès , et estoit bon Franchois et loyal, et ossy moult vaillant hommes d'armes , saiges et soutils et entreprendans , mais trop convoiteus fu, et che le fist morir en la fin. En che tamps le roy de Franche ly avoit chergié une grande quantité de gens d'armes pour faire guerre , et en estoit capitaine, et couroit pour che tamps sur mer à bien IIII'" combatans et vint prendre l'isle de