UNE FLOTTE ESPAGNOLE BLOQUE LA ROCHELLE

Grenessëe en Normendie , et l'ardy toute, et desconfy tous cheulx que le roy d'Engleterre y avoit mis , et en y eult bien mors Vlir, desquels AymonsRoze, ungescuierd'onneur du roy d'Engleterre, estoit capitaine, et n'eult plus confort [tant] qu'il entra en une fortresse ou pais , que on apelloit Cornet. Là vint le dit Yeuwains et y mist le siège et l'environna de tout costé et l'euist pris sans faulte , car il n'estoit secourus de nul costé ; mais le roy de Franche remanda le dit Yeuwain et l'ordonna d'aler en Espaigne prier au roy Henry que il ly volsist prester sa grosse navie pour asêgier la Rochelle.

Sy se party moult tost le dit Yeuwain de Grenesée, et donna une partie de ses gens congiet et esploita tant par mer que il vint en Galise à ung port que on dist Saint- Andrieu , à celle heure mesmes que la navire du dit roy y venoit , qui desconfis avoient le conte de Pennebrucq devant la Rochelle , et eult là grosses paroUes contre le conte de Pennebrucq , et Yeuwain de Galles l'eust férut , mais on y ala entre deus. Sy furent le conte et les aultres chevaliers englès envoiet en pluiseurs plaches parmy Castille, et la lettre que Yeuwain avoit du roy de Franche, fut si bien essauchie que le roy Henry ly acorda sa navie qui estoit belle et grosse , et firent leur pourvéanches de toutes coses , et puis entrèrent en mer chil qui ordonné en furent. Sy estoit amiral de toute la navire de par le roy Henry dan Radigho de Rous de Thouwars , et avoit bien en la flote XL grosses nefs, XIIII barges et XX galées. Sy singlèrent tant que il vinrent devant la Rochelle et l'aségèrent par mer.