POITIERS OUVRE SES PORTES AUX FRANÇAIS

au duc de Berry et au duc de Bourbon, et fu adont acordé que il se trairoient celle part, et se partirent de leur ost atout IIP latiches bien montés. Le maire de Poitiers , qui s'appelloit Jehan Renauls, se soupchonna bien de le partie de celle affaire et manda secrètement à messire Thomas de Persy qui se tenoit sur les camps en le route du captai , le vollenté de chiauls de Poitiers, et qu'il s'en venist ou envoiast gens d'arm.es , ou il perderoit se ville. Le sénescal de Poito y ordonna monsigneur Jehan d'Angle atout L lanches pour garder la ville, et se party des compaignes, mais il ne se seult oncques sy tost haster que le connestable de Franche ne venist devant, et chevaucha sur demy jour et une nuit plus de trente lieues et entra en Poitiers,

Les nouvelles vinrent à monsigneur Jehan d'Angle qui jà estoit à une lieue près de Poitiers. Sy s'en retourna arière deviers ses compaignons et signeurs qui se tenoient sur les camps, et leur recorda ces nouvelles, dont il furent moult courouchiés ; et adont se partirent les Englès de Poitiers, et fist cascuns sa route, et ossy les Gascons le leur. Sy se retrairent les Englès qui bien estoient IIP combatans deviers Niorch. et quant il furent là venut, chil de Niorch leur cloïrent leurs portes. Adont les assallirent ly Englès de grant volenté et les conquirent par forche. Sy fustèrent et pillèrent la ville et en ochirent desquels qu'il veulrent, et se tinrent là sur celle marche, et ly captai de Beus se retrait vers la Rochelle pour consillier et aydier chieulx de la ville , quoyqiie il n'en euissent nul besoing, et s'en vint ledit captai séjourner atout IIIF lanches en le bourc de Saint-Jehan-l'Angélier , qui est à dix lieues de la Rochelle.

Entre chiaulx de la Rochelle et Yeuwain de Galles avoit un secret traitiés, que riens il ne leur pooit, ne devoit riens