COMBAT DE SOUBISE

faire, ne yauls ossy à luy, et se tenoient par couverture aségiet là devant pour savoir comment les choses se porteroient en Poito, car il estoient en grant vollenté de yauls rendre, se il ne doubtaissent chianls du castiel ; mais tant que le castiel de la Rochelle fust englès, il ne s'oseroient rendre.

En che tamps vint mettre le siège devant le castiel de Subise , séant sur la rivière de Charente à l'entrée de la mer, le sire de Pons-en -Poito à IIF lanches, Poitevins et Bretons, et là l'envoia le connestable de Franche , qui se tenoit à Poitiers. Quant la damme se vey ensy aségie de ces Bretons et Poitevins, qui estoit tout seulle dedens un castiel sans marit et sans ayde, sy le segnefîa au captai de Beus, qui se tenoit à Saint-Jehan-l'Angélier en luy suppliant humblement qu'il le volsist conforter. Le captai qui jamais ne l'eut laissiet, se party de Saint-Jehan atout C lanches seullement de bonnes gens à l'eslite ; car on ly avoit dit que le sire de Pons n'avoit devant Subise que C hommes d'armes. Sy crut che consail assés légièrement, et s'en ala celle part au plus tost qu'il peult, en grant vollenté que pour lever le siège.

Toutes ches ordonnanches et che siège et le mandement que la damme de Subise avoit fait au captai, furent sens de Yeuwain de Galles par ses espies. Sy tost que Yeuwain le sceut, il prist en son armée VI barges et VIII vassiaulx, et les prouvey de gens d'armes, et s'en vint par mer férir secrètement en la rivière de Charente, et ariva à l'oposite du castiel, et se tint là tout quoy en se navire, que oncques chil de l'ost, ne la damme de Subise n'en seurent riens, et là se tint sans yauls monstrer, tant que point fust.

Ensy que sus jour fallant, le captai qui volloit faire son

524 COMBAT DE SOUBISË.

emprise, s'en vint férir et bouter atout ses gens en l'ost du sire de Pons et ala de prumière encontre en yauls, et y eult grant foisons de reversés. Finablement le sire de Pons fu pris, et tous chil qui y estoient, mors ou pris, et se tenoit le captai et ses gens en leur logis comme pour tous aseurés, et chiauls [s'ensonnioient] pour leur prisonniers, quant evous Yeuwains de Galles et toutes ses gens qui là estoient bien infourmés comment le ordonnanche se portoit. Lors s'en vint férir sur les gens du captai, et là estoient avoecq luy messire Jaques de Montmor et Morelès son frère. Sy eult dur hustin et forte raellée, et ne peurent les gens du captai porter le fais, dont il furent vaincus, et fu pris le captai de Beus et tous ses gens ou en partie, et li aulcun se sauvèrent, messire Guillame de Ferintone et messire Guillames de Persy et David de Holegart, qui se sauvèrent en la fortresse deSubise, et là fu le sire de Pons rescous, et tous chil qui pris furent, sauvés. Che serviche leur fîst Yeuwain de Galles ; se l'en dévoient savoir gré.

Quant che vint au matin, Yeuwain de Galles et le sire de Pons et leur gens aprochèrent le castiel de Subise et se mirent en ordenanche pour Tasalir. Quant la dame qui dedens estoit, se vit en che point, et que son confort avoit perdu, et derechief estoit asalie des Franchois, sy se consilla as chevaliers qui dedens estoient retrait, comment elle se pouroit maintenir. Ly chevaliers respondirent que longement elle ne se pouroit tenir et ly consillèrent que du ly rendre, mais que chil qui là dedens estoient, se peuissent partir quant partir volroient, sauf leurs vies, et traita sur celle manière. Sy eulrent grâce de partir tous ly Englès que laiens estoient, et de retralre quelle part qu'il voldroient sur le sauf-conduit du sire de Pons. Ensy vint la dame de Subise en l'obéisanche du roy de Franche et demeura franchoise, et toute sa terre, et Yvain de Galles se retrait, et

CONQUÊTE DE l'aNGOUMOIS ET DE LA SAINTONGE. 525

ses gens, en leur navires, et s'en vinrent ensy comme devant mettre le siège devant la Rochelle, et là amenèrent le captai de Beus et tous leurs prisonniers.

Ches nouvelles furent- tantost partout sceuwes que le captai estoit pris. S'en furent tous les Franchois resjoïs, et \y Englès tout desconfîs, et couloura le prinse du captai grandement le guerre du roy de Franche ; car les bonnes villes de Poito et de Saintonge comraenchèrent à varier et à frémir, et ly chevalier englès et gascon et poitevin n'osèrent lors en avant chevauchier fors que en grandes compaignies, et encorres n'osoient-il partir des garnisons où il se tenoient ; car, osy tost que partis en estoient, il se retournoient franchois, et tantost après le prise du captai de Beus, le sires de Clichon qui en Poitiers se tenoit, le visconte de Rohem, le sire de Laval, le sire de Pons et bien IIIP lanches de Franche s'en vinrent courir devant Saint-Jehan-l'Angélier, qui moult tost se tourna franchoise, par condition que chil qui Englès estoient, s'en pooient sauveraent partir sur le sauf-conduit du sire de Pons, et ensy fut Saint-Jehan franchoise, et puis vinrent devant Sainte. Si se tourna le chité françoise, et le castiel se rendy par composition que ly Englès se partiroient. Asés tost après se tourna le ville de Pons-en-Poito franchoise, et y entra le sire à grant joie, et puis Plasac, Ausnoy, Mirabel et tout le païs de là environ jusques à le Rochelle. Sy s'en retournèrent chil signeurs de Franche à Poitiers devers le connestable, quant il eulrent pris le saisine des villes et castiauls dessus nommés, et qu'ils les eulrent rafreschy de prouvéanches et de gens d'armes.