LES BOURGEOIS DE LA ROCHELLE CHASSENT LES ANGLAIS

Chil de la Rochelle n'estoient pas courouchiés, quant il veoient que le païs s'estoit ensy retourné francliois ; car il avoient grant désir que il le peuissent estre , et tant esploitèrent que il vinrent à leur entente ; car messire Jehan d'Évrues avoit laissiet ens ou chastiel de la Rochelle un escuier , simple homme , qui s'apelloit Phelipot de Mansiel. Sy firent tant chil de la Rochelle par le soubtilleté de ung maieur de la ville , qui s appelloit sire Jehan Caudourier , que il firent chil escuier et ses gens faire une monstre en une plache dehors le chastiel , et chil de la ville tout armet s'estoient mis en une embûche couvertement. Sy les atrapèrent et furent signeur du chastiel ; mais pour che ne misrent-il mie encore deux mois après les Franchois en leur ville , et mandèrent leur estât au roy de Franche et ne veulrent oncques entrer en son obéissanche jusques à tant que le roy leur eult sellet que jamais ne les metteroit, ne sy successeur, en aultres mains que en sienne, et veulrent avoir leur castiel abatu. Tout che que chil de le Rochelle demandèrent , le roy leur sella et accorda , ne riens ne leur débaty, tant les désiroit-il avoir franchois. Sy fu abatu le castiel de la Rochelle , et en vint prendre la possession , de par le roy de Franche , le connestable de Franche, auquel on fist grant honneur.

Assés tost après chevauchèrent les Franchois devant le castiel de Marant à quatre lieues de la Rochelle et le prirent, et puis Benon, et furent mors tout chil qui dedens estoient , et puis vinrent devant Surgières , qui se tourna franchoise ; mais madame de Surgières n'i estoit point , ains se tenoit à Thouwars où tout ly Poitevin s'estoient requelliet, barons, dames et chevaliers et esquiers d'onneur, qui pour Englès se tenoient. Et vous dy que pour