SIÈGE DE THOUARS

le tamps de lors le pays de Poito et les signeur estoient en grant tribulation et avoient grant desplaisanche de che qu'il veoient [tout perdre], et se n'y pooient remédier.

En che taraps s'avallèrent le duc de Berry , le duc de Bourbon et les signeurs de Franche où bien avoit III" lanches, en la marche de Poitiers, et eulrent entention que de venir mettre le siège devant Thouwars.

Quant tout le pais d'environ la Rochelle fut acquîtes et délivrés des Englès , chil signeurs de Franche dessus nommés s'en vinrent mettre le siège devant Thouwars , en laquelle terre les barons et chevaliers et escuiers de Poito, qui englès se tenoient, estoient requeliiet. Là estoit messire Lois de Harcourt , le sire de Partenay, le sire de Tors , messire Hues de Vivone , messire Aimeris de Roçouwart , messire Percheval de Coulongne , messire Renault de Thouwars , le sire de Rousiellon , messire Guillaraes de Crupegnach , messire Joffroy d'Argenton , messire Jaques de Surgières , messire Maubrun de Linières , messire Jehan d'Angle , messire Guillame de Montendre et pluiseurs aultres, et estoient là dedens bleu IP chevaliers et esquiers.

Chil signeurs de Franche, qui bien estoient III'" lanches et IIII'" hommes atout pavais, assirent leur siège par grant ordonnanche autour de Thouwars et levèrent grans engiens qu'il avoient fait acarier de Poitiers et fait carpenter tous noefs, et dirent que il ne s'en partiroient, [si aroient] ou mort ou vif tout chil Englès. Ces barons et chevaliers de Poito se virent là enclos ou cuer de leur. pais et ne savoient à quel fin il en venroient ; car nul confort ne leur aparoit de nul costé. Sy se commenchèrent à consillier ensamble et prirent ung avis tel que je vous diray. Il

328 VAINS EFFORTS d'ÉDOUARD 111

entrèrent en traitiet devers les signeurs de Franche qu'il segnefiroient tout leur estât à leur signeur le roy d'Engleterre, et, se le roy ou l'uiis de ses fils ne venoit sy fort devant Thouwars pour lever le siège ou tenir les camps, il se metteroient en l'obëisanche du roy de Franche. Chils traitiet fut acordés, et le jour asignés que le roy d'Engleterre (o ly uns de ses fils) seroit par deçà en dedens le Saint-Mikiel que l'on dist l'an LXXII, et parmy tant il demouroient en seur estât, et leur dévoient prouvéanches venir pour leur deniers bien raisonnablement ; mais ly Franchois demorèrent toudis au siège devant Thouars.

Ches seigneurs de Poito escripsirent, au plus justement que il porent, tout leur estât, et puis le sellèrent et l'envoièrent par certain messaige en Engleterre devers le roy. Quant le roy vey les lettres et entendy le journée que ses gens avoient prise devant Thouwars contre les Franchois, sy dist, se il plaisoit à Dieu, que luy et tous ses enfans y seroient, et fist tantost le roy d'Engleterre par tout son royalme le plus grant et espésial mandement et commandement que oncques euist fait, et [fist] ses prouvéanches au havre de Hantonne si grandes et si grosses que c'estoit mervelles, et se hasta dji plus tost que il peult ; mais, ains son département, présent tous les barons, prélas et seigneurs de son royalme, il ordonna le jovène fils du prinche, Richart, à estre roy d'Engleterre, se il mouroit ou demouroit en che voiage, et ne luy successast le prinche son fils, et le fils ensy jura à tous ses foyauls, barons, prélas et consauls des chités et bonnes villes. Quant toutes ches ordenanches furent faites, il en vint à [Hantonne] où la plus belle et grosse navie qu'il euist oncques sur mer, l'atendoit, et là en sa compaignie furent ses quatre fils, le prin-

POUR SFXOURIR LA (iARNISON DE THOUARS. 529

che de Galles, quoyque il ne fust mie bien haytiés, mais il voUoit aller en che voiaige, le duc de Lancastre, le conte de Cantbruge et messire Thomas li maisnés. Là eult le roy d'Engleterre bien VP" hommes d'armes et X"" archiers, et eult en sa flotte plus de VF vaissiauls, que uns, que aultres. Sy nagèrent par mer et prirent le chemin de la Rochelle et de Poito ; mais fortune leur fu toudis sy contraire que il furent plus de soixante jours sur mer, ne oncques il ne peulrent prendre terre, ne en Poito, ne en Bretaigne, ne en Saintonge : de quoy le roy d'Engleterre dist par grant ayr, quant il vey que le jour Saint-Michiel aprochoit et que il ne povoit estre à la journée devant Thouwars : « Il n'i eult oncques mais sy meschant roy en Franche « comme chils-chy est, et se n'y eult oncques mais roy qui « tant me donnast à faire, que cheluy-chi fait. » Sy s'en retourna le dit roy et toute sa navire qui oncques en celle saison ne peult prendre terre, ne en Bourdelois, ne aultre part, et à son retour il eult vent à sa vollenté, et tantost que il fu revenus à Hantonne, deus cens nefs englesses de marchans d'Engleterre, qui aloientaux vins en Gascongne, arivèrent d'une flote ou havre de Bourdiaus-sus-Géronde.

En che tamps fu admenés messire le captai de Beus à Paris comme prisonniers , dont le roy de Franche eult grant joie, et n'en volsist pas tenir deus cens mille frans. Sy fu ledit captai mis en prison en le tour du Temple dedens l'enclos de Paris.

Or revenons as seigneurs de Poito, qui enclos estoient dedens Thouwars, et contons comment il persévérèrent. Ensy que vous avés chi-dessus oy, le roy d'Engleterre, ne sy enfans, par la fortune qui leur fu contraire, ne les peult conforter, et espira le jour de le Saint-Michiel. De quoy les Franchois eulrent grant joie et envolèrent devers chils de Thouwars les hirauls assavoir quelle cose il volloient