XVII. — FROISSART

530 VAINS EFFORTS d'ÉDOUARD III

dire, et leur mandoient che que juret et promis avoient. Chil seigneurs prirent à demander par grâce trois jours de conseil. On leur accorda.

Or vous diray pourquoy il demandèrent encore trois jours de conseil. Voir est que tous ly barons et chevaliers de Gascongne, qui pour Englès se tenoient, avoient bien entendu les traitiés et compositions que ly Poitevins avoient fait as Francliois. Sy s'estoient queilliet et assamblet à Bourdiaus, et tant que bien Vni<= lanches, et s'en vinrent à Niorth où ly Englès se tenoient , qui bien estoient IIIP lanches, et cuidoient certainement estre à le journée devant Thouwars, et y euissent esté sans faulte, se ly roys d'Engleterre y peuist avoir esté. Et quant il veirent que la journée ne se povoit tenir , sy segnefièrent leur estât as Poitevins qui dedens Thouwars estoient, en disant ensy : « Signeurs, nous veons bien que le roy d'Engleterre nos « sires ne puelt tenir se journée et que fortune ly a esté « trop contraire sur mer : pour quoy , se vous voilés « aventurer l'éritaige du roy nostre signeur par bataille « contre les Franchois, nous aventurrons nos corps, et nous « serons bien XIP lanches et otant de archiers. » C'est la cause pour quoy ly Poitevins se volloient encore mettre en détry de leur rendre et [d'eulx] tourner franchois ; mais il n'estoient pas bien d'accort , car li uns le volloient, et li aultres non, et trouvoient par le teneur du traitiet saillet que juret avoient à tenir , que nuls ne pooit de che fait faire fait, ne parler fors que le roy d'Engleterre ou li uns de ses fils, et pour che se mirent-il tout en l'obéissanche du roy de Franche, excepté trois qui se départirent du parlement, messire JofFroy d'Argenton, messire Maubruny de Linières et messire Guillame de Montendre. Chils demorèrent bon Englès, et ly aultres se mirent en l'obéisanche du roy de Franche. Et quant les

POUR SECOURIR L.V GVRiMSON DE THOUARS. 531

Gascons entendirent che, il prisrent congiet pour retourner devers Bourdiaus ; mais à leur retour il ardirent toute la terre au signeur de Partenay.

Encores se tenoient en Poito pour englès, avoecq Niorth, Chisech, Mortemer, Luzegnen,Castiel-Achart, leRoche-surlon, Gensay, la Tour de la Brée, Merpin et Dieunée , et se tinrent tout l'ivier enssi et guerrièrent moult les Franchois en aultres fortresses.

Le duc de Bretaigne estoit en cuer moult courouchiés du damaigedes Englès, se amender le peuist. Il euist voUentiers veu que son païs euist esté d'acord à luy pour servir le roy d'Engleterre ; mais tout ly barons et les chevaliers de Bretaigne estoient bon Franchois et loyal, et disoient bien au duc que il ne s'avoit que faire de mouvoir pour l'un roy, ne pour l'autre, mais se tenist en pais en son païs. Nequedent ils et messire Robiert Canolle euissent voUentiers veu aultre cose, et avoit certain traitiés entre le roy d'Engleterre et le duc, mais il estoient moult secret. Toutesfois le duc se commença à doubter de ses gens, et ses gens de luy. Sy se tenoient suspect l'un de l'autre : de quoy le duc segnefia son pourpos au roy d'Engleterre comment il n'estoit pas bien asségur entre ses gens, et pour ceste cause le roy d'Engleterre y envoia IIIP hommes d'armes et otant d'archiers, desquels fu gouverneurs le sire de Noefville, et s'en vint logier à Saint-Mahieu-de-Fine-Posterne, et là se tenoit sans point faire lie guerre , mais paioient che qu'il prendoient.

Le roy de Franche entendy Testât de Bretaigne et comment le duc ne quéroit aultre cose fors que son païs fuist englès, et tint le roy de Franche [les Bretons] en grant amisté et fist tant que les barons de Bretaigne monstrèrent