DIFFÉRENDS DU DUC ET DES BARONS DE BRETAGNE
grant raaltatent par samblant à leur signeur et ly dirent que, se il faisoit partie pour le roy d'Engleterre, il perderoit son pais. Sy demorèrent les choses en chel estât, et varioit le duc de Bretaigne. Envis devenoit englès ouvertement pour le cause du biel hiretaige et grant qu'il tenoit du roy de Franche et duquel il luy avoit fait hommage ; envis le laissoit ossy pour le faveur qu'il avoit au roy d'Engleterre. Or retournons-nous à raonsigneur Bertran de Claiquin.
Sy tost que ly estet fu revenus, le connestable de Franche se party de Poitiers atout XIIIP lanches, et s'en vint asségier la ville et le castiel de Chiseck, qui estoit englesse, de laquelle messire Robert Miton et messire Robert l'Escot estoient gouverneur et capitaines. Là fu le siège grant et lonc, fais et ordonnés par bonne ordonnanche, et fîst faire le connestable autour de son logis et de toutes ses gens une deffense de palis, par quoy de nuit, ne de jour, soudainement on ne leur peuist porter damaige,et avint que les dessus dites capitaines segnefièrent leur estât à monsigneur Jehan d'Évreus et à messire d'Aghorisset et à Jehan Cressuelle, qui estoient dedens Niorch, en priant que, se il povoient, il les venissent conforter et lever le siège,
Chil chevalier et Jehan Cressuelle regardèrent à leur be.soignesetadvisèrent l'un par l'aultre que il pouroient bien estre VHP combatans et IIP pillars, et qu'il se metteroient en paine et en adventure de ayder leurs corapaignons. Sy s'armèrent ung jour et se mirent sus les camps et chevauchèrent en bonne ordonnanche devers Chiseck et esploitèrent tant que il vinrent sur une lande au dehors d'un bois priés de Chiseck. Messire Robiert Miton et messire Robert l'Escot qui secours atendoient, estoient en une tour et virent leur compaignons tous rengiès sur les camps. Sy
COMBAT DE CHIZÉ. 555
en eultrent grant joie et s'armèrent et firent armer tous les compaignons, et pooient bien estre XL compaignons de guerre, et avoient intention que de yssir hors et aller sus les camps avec chiauls qui pour leur cause là venu estoient.
Or vous diray quelle chose il avint entre ches Englès qui sus les camps -estoient. Il y avoit en leur compaignie environ IIF Bretons pillars. Sy tost qu'il furent delés Chisech, il se départirent des Englès et se tournèrent franchois. De tant furent les Englès afaiblis , et par chiauls seult messire Bertran tout le convenent des Englès et quelle puissanche il avoient. Sy ordonna que osy tost que se trompette sonneroit , que tout fussent armet et pour partir , et fist au lés d'enviers luy selouc terre scyer tous leurs palis. Or advint que messire Robert Miton et messire Robert l'Escot et leurs gens partirent et vidèrent hors de leur castiel et s'en vinrent en la plache , et se cuidoient bien passer parray les Franchois. Et ossy tost que ly Englès les veirent, il vinrent pour [les] secourir. Se il commencèrent la bataille ; mais , osi tost qu'il furent en le plache, il trouvèrent plus de IIIF combatans qui les recuellèrent de grant volenté , et furent ly Englès moult tost desconfis , tout pris ou mors. Oncques de chiauls nul n'en escapa , et puis quant il veirent que point fust , il abatirent leurs palis et asallirent tout à piet les Englès, et les Englès ossy yauls. Là eult du premier encontre grant bataille et forte, et y eult fait pluiseurs bieau fais d'armes et maint homme abatu et reversé d'un lés et de l'autre. Finablement les Franchois et les gens messire Bertran de Claiquin s'y portèrent sy bien qu'il desconfirent leurs ennemis , et furent les Englès tous mors ou pris ; car oncques il n'en escapa nul, tant que on sceult [les cachier] , et furent pris toutes les capitaines dessus
SIEGE DE BECUEREL.
nommés , par lesquelles prises toutes les garnisons englesses se commenchèrent moult fort à esbahir, et furent Chisech et Niorth franchoises. Et puis chevauchèrent Franchois caudement et vinrent par devant Luzegnen. Sy se rendirent , car leur capitaine avoit esté pris à le besoigne de Chiseck. Et puis chil de Mortaigne et chil de Castiel-Achart ossy , et fu presque tout le pais franchois.
En che tamps avoient les barons de Normendie mis le siège devant Bécherel sur les marches de Constentin. Sy estoient capitaines de la fortresche messire Jehan Apert et messire Jehan deCornuaille. Sy eult devant Bécherel moult grant siège et qui longement dura, et y eult fait pluiseurs biau fais d'armes.
Ossy en Constentin se tenoit englesse le garnison de Saint-Saulveur-le-Visconte, et en estoit capitaine ung escuier englès qui s'apelloit Quatreton, hardit homme et saiges, et avec Quatreton estoient deus chevaliers englès, dont on apelloit l'un messire Jehan du Bourch et l'autre messire Phelippe Picourde, et ly trois frères de Maulévrier, siques, anchois que le siège fust mis devant ches castiaulx, les chevaliers et escuiers qui dedens estoient en garnison, couroient et avoient courut tout le pais d'environ yauls.
En che tamps estoient sus la mer en la compaignie de l'amiral d'Espaigne, Ywains de Galles, le conte de Nerbonne, messire Jehan de Vianne et messire Jehan de Ray, et waulcroient nuit et jour sur les bendes d'Engleterre et portèrent en celle saison moult de damaiges as Englès qu'il trouvoient sur mer. De cheste armée estoit le roy d'Engle-
