LE CONNÉTABLE ENTRE EN BRETAGNE

terre tout infourmés , et comment il avoit ousy perdu tout son païs de Poito, de la Rochelle et de Saintonge.

Sy eult le roy d'Engleterre conseil qu'il envoiroit en Bretaigne une grosse [navie] de gens d'armes et d'archiers, ensy qu'il fist, de laquelle armée estoient capitaines le conte de Salbéry, messire Guillame de Noefville et messire Phelippes de Courtenay, et arivèrent ches gens d'armes, qui estoient II"" combatans et III"" archiers, à Saint-Malo eu l'isle de Bretaigne, et ardirent au havre de Saint-Mallo sept grosses nefs d'Espaigne qui là gisoient à l'entrée à l'ancre, et l'avoir qui dedans estoit, de laquelle chose tout le païs de Bretaigne fut durement courouchiés et esmeus sur le duc , et l'encoupèrent de che fait et dirent que il les avoit là mandés et fait venir. Avec tout che, aulcun chevalier de Bretaigne asquels le duc s'estoit descouvert de ses secrès, relevèrent ches paroUes et allèrent sy avant que le roy de Franche en fu infourmés, syque prouvey de remède; car il manda à son connestable que il chevauchast esforchiement en Bretaigne et mesist en saisine ou non de luy chités, villes et chastiauls et fesist jurer tous féaulx à luy foy et obéisanche, car il tenoit Jehan de Monfort pour son ennemy et bon Englès. Le connestable de Franche, au commandement du roy, fist un grant mandement et asigna à tous chiauls qui mandé y estoient, de estre en la chité d'Angiers. Là estoient en sa compaignie le duc de Bourbon, le conte d'Alenchon, le conte de Perce, le daulfin d'Auvergne, le conte de Vantadour, le sires de Sully et les deus marisal de Franche, et estoient bien Vl"" lanches, et se party d'Auvergne ledit connestable, et s'en vinrent devant la chité de Rennes qui s'ouvry contre yaulx, et jurèrent les hommes de la ville de estre bon et loyal Franchois de che jour en avant. Et puis