LE DUC DE BRETAGNE SE RETIRE EN ANGLETERRE

vint le connestable atout sa puissanche devant la ville de Dignant, et n'y fu pas trop longeraent, quant il ouverirent leurs portes et honnourèrent le connsstable et ses gens et se mirent en l'obéisanche du roy de Franche. Ensy firent chil de Venues, et puis vinrent à Ghingant, qui se tourna franchoise, et puis vinrent à Suseniot. Là avoit des Englès ou chastiel qui se mirent à deffense. Sy furent tout prins par forche et tout mors. Et puis vinrent devant Camper- Corentin, qui se tourna franchois, et tous les castiaulx et bonnes villes de Bretaigne, excepté Auroy, Brest et Hanbon et la terre à monsigneur Robert CanoUe à Derval et aultres chastiaulx. Et s'en vinrent les dis Franchois devant la chité de Nantes. Là furent-il cinq jours, et y eult entre chiauls de la ville et les seigneurs de Franche grans traitiés et parlemens, et ne voiront oncques chils de Nantes jurer loyauté, ne recongnoissance d'obéissanche audit connestable, se il n'estoient quites de leur fois, quant le conte de Monfort se volroit retourner franchois, et ledit connestable les prist ensy.

En che tamps se party de Bretaigne et monta en mer sur le havre de Saint-Mahieu-de-Fine-Posterne pour aller en Engleterre le duc de Bretaigne, et institua à son département pour estre gouverneur et warde de Bretaigne monsigneur Robert Canolle ; mais trop pau de gens obéirent à luy, ensy que chi-dessus avés oit. Et s'en ala ledit duc de Bretaigne en Engleterre, et fist tant qu'il vint à Windesore où le roy se tenoit, qui le rechut liement, et auquel roy le duc recorda et remonstra toutes ses meschances et comment les Franchois ly avoient tolut près tout son païs et encores se maintenoient et mettoient painne de gaignier tout l'autre. Le roy d'Engleterre res-