SIÈGE DE DERVAL
de Rochefort , le visconte de Miaulx , messire Guillame des Bordes , messire Jehan de Buel et les aultres pour aller faire frontière en Picardie contre le duc de Lenclastre qui estoit arivés à Calais atout II" hommes d'armes et IIII"" archiers. Sy se partirent du connestable la plus grant partie de ches signeurs , et s'en vinrent à Paris devers le roy de Franche , et le duc d'Ango et le connestable se retrairent viers Nantes et là se tinrent et se prouvirent pour tenir leur journée devant Derval.
Sitost que messire Robert CanoUe sceut le département du siège et le composition et traitiet que ses gens avoient fait as Franchois , sy se party de Brest et s'en vint atout grant gens d'armes en son castiel de Derval, et dist bien que il ne tenroit jà nuls des traitiés que ses gens avoient fait et qu'il ne povoient faire traitiet de nulle valeur sans son sceut , et ensy le manda-il par un hirault au duc d'Ango. Quant le duc d'Ango entendy che , sy prist ces parolles en grant despit et fîst derechief ung grant mandement, et s'en vint devant Derval pour tenir se journée contre les Englès, et avoit bien Iir"lanches etlIIP" bringhans parmy les Genevois. Sy furent là sur le darain jour ly Franchois tout armés et tout ordonné pour atendre les Englès. Ensy passa le journée. Quant che vint à l'endemain , le duc d'Ango manda par ses hiraus à messire Robert CanoUe que il rendosist la fortresse , ou il feroit décoller ses hostaiges. Messire Robert ly remanda qu'il n'en feroit riens et que, se il faisoit morir ses gens , que il en avoit laiens chevaliers et escuiers , dont il povoit avoir grant avoir, lesquels il feroit morir ensy. Le duc d'Ango à ches manaches n'acompta riens , mais fist décoller devant le castiel les hostaiges de monsigneur Robert Canolle, et tantost messire Robert CanoUe fist traire avant une planque par les fenestres du castiel et fist trois cheva-
liers et ung escuier décoller et reverser les testes d'une part et les corps d'autre ens es fossés, dont che fu grant pité, quant huit gentilhommes furent ensy mort par envie du duc d'Ango et de messire Robert Canolle.
Adont se desfit le siège de Derval, et se retrairent devers Nantes, et le connestable de Franche et le duc de Bourbon, le conte d'Alenchon, le sire de Clichon , le visconte de Rohem et tout l'ost se traist devant Brest et l'aségèrent par terre et levèrent devant pluiseurs grans engiens qui moult fors travillèrent chiaulx de la fortresse.
Or s'avisèrent les compaignons qui dedens estoient , qu'il prendroient ung respit as Franchois pour durer quarante jours ; et , se là en dedens il n'estoient secourus, il rendroient Brest, et le faisoient pour tant que il sentoient sur mer le conte de Sallebrin atout grant foison de gens d'armes et d'archiers, auquel il segnefièrent leur estât et liquels nullement ne les lairoit en nul dangier , mais il les venroit conforter. Sy traitèrent devers le connestable , et fu le traitiet fait que , se dedens quarante jours il n'estoient secourus, il renderoient la plache et la ville de Brest as Franchois. Che traitiet fut acordé , et en livrèrent ly Englès hostaiges, et par ensy se desfit le siège, et se retrairent plus en païs arière de la ville de Brest pour estre mieulx à leur ayse.
Quant le conte de Sallebrin, qui s'estoit tenus toute la saison sur mer (et avoit en sa compaignie M. combatans et II" archiers), entendy la composition de chiaulx de Brest, sy dist et afrema qu'il seroit à la journée. Quant le terme deust aprochier, le dit conte se party de Saint- Malo à toutte sa navire. Sy estoit avecq luy pluiseurs chevaliers d'Engleterre, et par espécial le sire de Lucy ,
