DE BREST

le sire de Fil-Watier, messire Phelippes de Courtenay, messire Guillame de Noefville, messire Bruians de Stapletonne , le sire de Multon et pluiseurs aultres. Sy s'en vinrent singlant par mer et arivèrent ou havre de Brest, dont chil de la garnison eulrent grant joie, et prirent placlie sur les camps devant Brest pour atendre les Franchois, et toutes les nuis retournoient en leur navire.

Le connestable de Franche, le sire de Clichon, le visconte de Rohem et les Bretons, avec ches hauls et grans barons de Franche, qui bien estoient VIP combatans , s'en vinrent logier à quatre lieues près de Brest pour tenir leur journée. Sitost que le conte de Sallebrin les sceut venus , il envola devers yaus un hirault et l'informa de che que il voUoit qu'il leur desist. Le hirault s'en vint devers le connestable et les signeurs de Franche et leur dist de par le conte de Sallebrin et les seigneurs chevaliers d'Engleterre que il volsissent venir avant, car il seroient combatu, et qu'il estoient là venus pour tenir leur journée. Ledit connestable , par le consail des barons qui là estoient, respondy et dist : « Hirauls, vous dires à « vostres mestres qu'il traient encores plus avant et qu'il « ne sont pas en la plache oîi le traitiet fu prumièrement « fais, et que, se il venoient là, il seroient combatu. » Le hirault raporta ces paroUes. Adont le renvoia derechief le conte de Sallebrin as Franchois, en disant ensy que c'estoient gens de mer et qu'il n'avoient nul chevaulx admenës avecq yauls, et, se il leur voUoient envoier lesleurs, il yroient partout où on les manderoit avant qu'il ne fussent combatu. Le hirau recorda toutes ces paroUes moult bien au connestable et as barons de Franche qui n'eulrent mies consail de envoier leurs chevaulx à leurs ennemis, et dirent que il n'en feroient riens, et, se on ne leur rendoit le castiel de Brest, il enmenroient leur hostai-