CHEVAUCHÉE DU DUC DE LANCASTRE

giers. Easy allant et venant nules de ches parchons ne se firent , et se partirent les Franchois et enmenèrent leurs ostaigiers, et ly castiaus de Brest demora englès.

Nous parlerons du duc de Lenclastre et du duc de Bretaigne qui en celle saison arivèrent à Calais à II" hommes d'armes et IIII™ archiers, en instanche pour chevauchier en Franche, et estoit connestable de l'ost messire Edouars le sire Despensier, et marichal le conte de Wervich et le conte de Sufort. Là estoient de barons le sire de Persy, le sire de Noeufville, le sire de Ros, le sire de Cabretomie, le sire de Berchet, le sire de Basset, messire Simon Brûlé, messire Thomas de Persy, le sire de Latimiers, le sire de Boursier, messire Hues de Cavrelée, messire Gautier Hues et moult d autres chevaliers et escuiers ; et des Haynuiers y estoient le Canonnes de Robersart, le sire de Viertaing et le sire de Gomegnies. Sy se partirent toutes ches gens de Calais et se misrent en ordonnanche pour faire leur voiaige, et chevauchoient en trois batailles moult ordonnéement. Sy passèrent devant Arde et devant le Montoire, et point n'y asallirent, et puis au despit de chiaulx de Saint- Omer vinrent à Ayre et entrèrent en la terre du conte de Saint-Fol, et ardirent tout le plat païs, et livrèrent grant assault à la ville de Saint-Fol ; mais riens n'y conquirent, car le conte et messire Guis de Harcourt estoient dedens, et grant foison de chevalier et d'escuiers , qui trop bien en pensèrent. Sy passèrent les Englès oultre, et s'en vinrent logier denprès Dourlens sus une rivière entre Luceu et Dourlens, et entendirent que le sire de Saint-Fol estoit dedens Dourlens, siques au matin, il sonnèrent leur trompettes et se mirent en ordonnanche pour assallir Dourlens. Là eult grant assault et dur, et fu la ville asprement assal-