DE CALAIS A BORDEAUX

lie, et se misrent les Euglès en grant paine de l'avoir, mais les gentilhomme qui dedens estoient, le gardèrent. Sy en y eult pluiseurs de blechiés dedens et dehors, et dura ly assaultjusques à nonne, que ly Englès se retrairent et passèrent oultre et alèrent logier d'autre part sur ceste mesme rivière, et l'eudemain il se deslogèrent et prirent le chemin d'Aras, et s'en vint tout ly ost jusques au Mont-de-Saint- Eloy à deus lieues d'Aras. Sy se logèrent les deus ducs en l'abéie du Mont, et y furent deus nuis et ung jour, et puis se partirent et chevauchèrent en grant ordonnanche au dehors d'Aras. Sy vinrent les deus raarescal de l'host escarmuchier à cheuix d'Aras, et là estoient le conte de Saint- Pol, le sire d'Antoing, le sire de Brifeul, le sire de Fosseus, le sire de Wavrin, le sire de Wasières et bien III™ lanches de Franche, qui entendoient à defFendre la ville et le chité, et firent tant que ly Englès n'y conquirent riens, Sy passèrent oultre, et prirent le chemin de Bray-sus-Somme, pour avoir le cras païs sur le rivière, et firent tant par leur esplois que il vinrent à Bray, et là eult grant asault et bien defFendu. Là estoient dedens messire Rauoul de Couchy, messire Rauoul de Renneval, messire Jehan de Roie, messire Flamens de Roie et grant foison de bonnes gens d'armes de Franche, qui riens n'y perdirent, mais il y eult des Englès assés navrés, et l'endemain il passèrent oultre et prirent le chemin de Péronne-eu-Vermendois, et puis se ravallèrent vers Cambresis pour passera l'estroit de la rivière de Somme.

Le roy Charles de Franche qui sentoit ensy son païs ars et perdu par les Englès, estoit moult courouchiés ; mais il avoit par toutes ses chités, castiaulx et bonnes villes mis tant de bonnes capitaines et de bonnes gens d'armes et vaillans, que les Englès par assault n'y pooient riens faire. Toutesfois à Ribemont y eult assault et escarmuche dehors