EXPÉDITION DU DUC DE LANCASTRE

En che tamps se tenoit le pappe Grigores XP en Avignon, et avoit grant compassion de ches guerres de Franche. Sy envoia en légation l'archevesque de Ravenne et l'évesque de Carpentras pour haster la paix ou accord , se on peuist, entre le roy de Franche et le duc de Lenclastre , et vinrent les dessus dit à Paris devers le roy pour yauls infourmer sur quel estât il traiteroient. Et tondis chevauchoient les Englès avant, ardant et rainchonnant le plat païs, et passèrent dehors le chité de Rains et le rivière d'Esne et costiant Challons-en-Champaigne, et s'en vinrent devers la chité de Troies , et le connestable de Franche s'estoit jà mis sur les camps à plus de IP combatans, et costioit les Englès qui tondis se tenoient ensamble, sans yaulx desfouquier, et s'en vinrent les Franchois bouter en la chité de Troies ; car on disoit que les Englès l'aségeroient et assaulroient. Tant esploitèrent les Englès qu'il vinrent assés près de Troies, et se logèrent assés près sur la rivière de Saine entre Fouchières et Troies. Et là vinrent lesdis enbassadeurs du pappe qui commenchèrent à mettre avant [proupos] pour traitier et parchons au duc de Lenclastre et [au duc] de Bretaigne, en impétrant saulfconduit qu'il povoient aller de l'un à l'autre sauveraent et sans péril.

Quant le duc de Lenclastre eult esté cinq jours en la marche de Troies, il se deslogèrent et vinrent passer Saine à Méry-sur-Saine, et puis prirent le chemin d' Auchoire et de Tounoire , et toudis les poursiévoit le connestable de Franche à bien XVP lanches. Et ossy les enbassadeurs aloient de l'un à l'autre, qui portoient traitiés et parolles pour acorder, se il peuissent ; mais le duc de Lenclastre respondist toudis qu'il n'estoit point chergiet sy avant du roy son père que pour donner trièves, ne respit sans son sent, et que, se il plaisoit à Dieu, il parfftroit son volage