UNE TRÊVE EST CONCLUE AU NORD DE LA SOMME

plus de IIP , dont che fu grant mesquiel' et lassetë, car il estoient gens assés , se riens il vaulsissent, pour envair les Englès. Là demonra le jovène conte de Saint-Pol qui se porta assés vaillaument , et aulcuns chevaliers et escuiers franchois , asquels il sambîoit honte de fuir. Là furent chils qui demorèrent, rués jus , mors ou pris, et fut prins d'un escuier allemant le conte de Saint-Pol, et y fu pris le sire de Pois, le sire de Clary, messire Guillames de Nielle, messire Charles de Castillon , messire Lionnauls d'Araines , messire Gauvains de Baiilioel , messire Henry des Ysles, cappitaine de Dieppe, et Jehan son frère, le sire de Chipoy, castelain de Bieauvais, et pluiseurs aultres (bien LX chevaliers, que escuiers), et demora la plache as Englès, et s'en retournèrent à grant joie atout leurs prisonniers en la ville d'Ardre, où il se tinrent tout aise. Che soir accata le sire de Goumegnies à son maistre le jovène conte de Saint-Pol, et fut prisonniers au signeur de Goumegnies. A l'endemain chascun se retrait en sa garnison, et enmenèrent leurs prisonniers.

En che tamps assés tost après, par le pourcach de l'archevesque de Ravenne et de l'évesque de Carpentras furent données trièves entre les Franchois et les Englès à durer tant seulement par delà la rivière de Somme. Pour tant le faisoient-il que le duc d'Ango et ses gens dévoient venir à Saint-Oraer, ensy qu'il firent, et le duc de Lenclastre devoit estre à Bruges.

En che tamps se rendirent chil de Bécheriel ; car les Franchois tinrent leur journée puissaument, et ne furent point confortés li Englès qui dedens estoient, et fu remis