SIÈGE DE SAINT-SAUVEUR

le castiau en la seigneurie du roy de Franche. Et puis après on vint mettre le siège devant Saint-Salveur-le-Visconte-en-Constentin, qui se tenoit pour englès , et en estoient cappitaines Quatreton , messire Thomas Trivès , messire Jehan de Bourch et messire Phelippes Picourde, et avoient là dedens grant foison de bonnes gens de guerre. Sy se tint là le siège grans et fors des Normans et des Bretons et des deus marisaulx de Franche tout l'ivier. Sy y eult fait pluiseurs assault, et avoient les Franchois [fait] lever de grans engiens devant le castiel, qui jettoient pierres et mangonneaulx et qui travilloient moult chieulx dedens. Encores estoient dedens le castiel, qui ne sont pas à oublier, ly trois frères de Maulevrier.

Che siège durant devant Saint- Salveur, s'en vint le duc d'Ango en la ville de Saint-Omer moult bien accompagniet, et manda en Hainau son cousin monsigneur Gui de Blois, signeur de Bieaumont et de Chymay, pour luy faire compaignie, lequel y vint bien acompaigniet. Sy fu là le duc toute le saison, et, pour tout tout péril eschièver, messire Bertran de Claikin avoit en la ville de Cassiel et à Bailleul en Flandres plus de XIP lanches de Bretaigne, adfin que le duc d'Ango ne fust de riens souspris ; et le duc de Lenclastre se tenoit à Bruges et tenoit moult grant estât, et là estoit messire Jehan de Montfort, qui se disoit duc de Bretaigne.

Les dis prélats enbassadeurs dessus nommés aloient de l'un à l'autre et parlementoient pour faire la pais, et euissent vollentiers veu que le duc de Lenclastre fuist venus à Saint-Omer ; mais oncques il ne s'y volt acorder, et volloit que le duc d'Ango allast à Bruges, lequel ne s'y fust jamais acordès. Sy deraorèrent les choses en chel estât , et furent là tout l'ivier et tout le quaresme.