REDDITION DE SAINÏ-SAUVEUR

En chetamps se composèrent chil de Saint-Salveur-le-Visconte, et disrent que, se il n'estoient secourus en dedens le mois de may de gens fors asés pour lever le siège, il renderoient au conncstable de Franche et as Franchois le fortresse.

Or advint que chils esbassadeurs dessus nommés qui les paroUes portoient de l'un à l'autre, esploitèrent tant que trièves furent données et ralongies ung an et deux mois, et dévoient les parties revenir à Bruges l'an LXXV et estre là à le Saint-Michiel et cascuns fort de sa partie et du roy son signeur par bonne procuration de faire pais, se trouver on lepovoit, et estoient crûtes les trièves [par] toutes les mètes et limitations du royalme de Franche.

Sur che se partirent les deus duc englès, et dirent que chil de Saint-Saulveur-le-Visconte se deuissentasurer sur che et que on les deuist laissier en pais parmy celles trièves, mais non fist ; car les Franchois ne le entendirent pas ensy, ainschois au jour qui expressément y estoit pour tenir leur journée, il y furent bien X™ lanches, et nuls n'y aparu contre yaulx, Sy demandèrent les signeurs de Franche à chieulx du castiel qu'il leur rendesissent le garnison, ou il feroient morir les ostaigiers, et pour che ne seroient mies en pais. Chils de Saint-Saulveur ne volrent pas perdre leurs bonnes gens qui pour yaulx ostaigiers estoient, sy respondirent, et s'en ala la garnison, leurs biens et leur vies sauves seullement. Ensy fu Saint-Saulveur franchoise, dont le roy de Franche en eult grant joie, et tout chil du pais environ. Sy fut réparée et rafreschie de nouvelles gens et de prouvéanche.