JEAN DE MONTFORT RENTRE EN BRETAGNE

Vous devés savoir , quoyque les trièves tenissent en Picardie et jusques à la rivière de Somme, elles ne se tenoient point en Bretaigne, car tondis guerrioient les Bretons, pour tant que le duc de Bretaigne y estoit arivés à II™ hommes d'armes et III™ archiers, et s'y faisoit moult forte guerre, et cuidoit lever le siège de Saint-Saulveur-le-Visconte ; mais il n'y peult venir à tamps. Toutesfois depuis il prist terre en Bretaigne bretonnant, et là fist forte guerre.

D'aultre part, le sire de Clichon, le sire de Laval, le visconte de Rohem, le sire de Bieaumanoir, le sire de Rochefort et les barons de Bretaigne faisoient guerre sur les frontières contre luy et gardèrent les entrées, par quoy le duc, ne ses gens n'entraient point trop avant en pais, et voUentiers euist veu le duc qu'il peuist avoir enclos en aulcune fortresse le signeur de Clichon par espésial et aulcuns des barons de Bretaigne, lesquels il désiroit m.oult à mettre à raison ; car il luy sambloit qu'il luy faisoient grant tort.

Or vous dy que par avant messire Jehan d'Évrues avoit fait ung moult fort chastiel assés priés de Camperlé, que on nommoit la Nouvelle-Fortresse, et le avoit tenu toute la saison contre ches signeurs de Bretaigne. Dont il advint que le sire de Clichon et les dessus nommés eulrent conseil et advis qu'il venroient mettre le siège devant le Nouvel- Castiel, ensy qu'il firent, et y vinrent moult puissant, et l'aségèrent et l'avironnèrent, et y firent pluiseurs assauls et firent miner, mais les ouvriers perdirent leur paine et leur mine ; aultrement il l'euissent eu.

Le duc de Bretaigne, qui se tenoit vers Saint-Malo-derisle, entendy comment le sire de Clichon, le sire de Laval, le visconte de Rohem et les aultres avoicnt aségiet monsigneur Jehan d'Évrues en son Nouvel-Castiel , et moult

Oo6 SIÈGE DU NOUVEAU-FORT.

estraint et mis en tel party que pries il estoit sur soy rendre. Sy s'avisa que il le conforteroit et monta à cheval et fist monter toutl'eslite de ses gens à cheval, et se mist au chemin devers le Nouvel-Castiel, et aloit le plus couvertement que il pooit ; car il volloit sur ung soir à eure de souper venir en l'ost. Le sire de Clichon en oït les nouvelles par une espie qui s'estoit party de la compaignie du duc et qui avoit entendu aulcunes parolles de son convenant et comment il désiroit à prendre le sire de Clichon et les aultres, et l'avoit jà tout pourposet et afermet.

Ensy que le sire de Clichon et ly barons de Bretaigne séoient au souper , esvous les nouvelles qui vinrent de celle espie qui li dist : « Sire de Clichon, que faite-vous « chy ? Or tos, partés-vous et montés à cheval et vous « sauvés, ou aultrement vous serés pris aus mains ; car « vechy le duc de Bretaigne qui vient à puissanche atout « bien M. combatans, qui moult vous manachent. » Quant le sire de Clichon et les barons qui là estoient tout ensamble, entendirent ces nouvelles, sy ne leur fu mie trop agréable, et boutèrent les tables oultre oiî il soupoient, et montèrent le plus hastivement que il porent à cheval, et se partirent, et chascun les siévoit qui mieulx mieulx, et prirent le chemin de Camperlé. Il ne furent pas eslougiet une lieue que le duc et toutes ses gens entrèrent ens es logis et n'y trouvèrent nul, mais il n'avoient riens enporté, car il ii'avoient eut losir. Quant le duc vit que il avoit falit à son entente, sy fu moult courouchiés et sceut tantost que il s'en aloient à Camperlé. Sy dist : « Avant ! avant ! après ! il ne « nous pèvent escaper. » Adont se mirent au chemin en siévant le train et les marches des chevaulx qui s'enfuioient. Sy en y eult des maleureus ratains. Tuutesfois le sire de Clichon et les barons qui avecques luy estoient, vinrent en la ville de Camperlé à sauveté, et furent de sy près siévis