SIÈGE DE QUIMPERLÉ

du duc de Bretaigne et de ses gens que, entreus que on reclooit les barières, il avoient leurs ennemis à talons.

Quant le duc de Bretaigne vit que il les avoit là enclos , sy en fu raoult resjuïs, et dist que jamais ne partiroit de Camperlé, se les aroit mors ou prins et à sa vollenté. Sy se loga et fîst logier toutes ses gens là environ, et manda chiaulx qui estoient encores derière, et, quant il furent tout venus, il y avoit bien VI™ combatans, que uns, que aultres. Sy fist le duc grant gait de nuit et de jour, afin que chiaulx dedens ne se partesissent qu'il ne fust sceut.

Vous devés savoir que le sire de Clichon et chils qui en Camperlé estoient, n'avoient pas trop grant joie ; car il se veoient enclos et aségiet de leurs ennemis et en moult fort party ; car la ville de Camperlé n'estoit pas trop forte pour yaulx tenir longement contre telle puissanche, et sy estoit mal pourveue, dont il estoient là dedens moult esbahis ; car nul secours ne leur aparoit de nul costé. Sy se fuissent vollentiers rendus, sauve leurs vies, mais on ne les volloit point prendre, se il ne les avoit à sa vollenté.

Or devés- vous savoir, quoyque le duc de Bretaigne guerriast à ches signeurs de Bretaigne, le duc d'Ango et le duc de Bourgongne d'un costé et leur gens estoient venus à Bruges, et d'aultre part le duc de Lenclastre et les ambassadeurs les deus dessus nommés prélas, et parlementoient de la pais, siques le roy de Franche savoit tous les jours le convenant et Testât des barons de Bretaigne. Sy fu moult courouchiés quant il seut que le duc de Bretaigne avoit enclos les barons de Bretaigne et le sire de Clichon à grant puissanche. Sy envoia hastivement devers ses frères à