S58 LA BRETAGNE EST COMPRISE DANS LA TRÊVE

Bruges et leur manda, comment qu'il fust, que les trièves fussent ralongies et toute Bretaigne misse eus , et leur déclara par ses lettres la cause pourquoy. A ches coses entendy le duc d'Ango et le duc de Bourgongne et leur consaulx plus espésiallement, et furent les trièves derechief données et sellées, et y furent mis et enclos tous les barons de Bretaigne et les terres de Bretaigne, et fu la chartre chergie à deus chevaliers pour porter en Bretaigne, dont on apelloit l'un messire Nicolle Carvesuelle et l'autre raonsigneur Gautier Orsuic. Chil doy chevalier furent cergiet de toutes parties de chevauchier vers Bretaigne et de faire chesser toute guerre et de faire partir toutes gens d'armes en quelque estât que il soient, Onques chose ne vint sy bien à point pour le signeur de Clichon et les aultres qui en Camperlé estoient ; car on ne les volloit prendre à merchy, dont il estoient moult esbahis. Sy s'avisèrent de prendre huit jours de respit tant seuUement et, se dedens ches huit jours il n'estoient secourus, il se renderoient à le voUenté du duc de Bretaigne. Oncques sy tost le duc ne leur acorda, ne sella, qu'il ne s'en repentesist, et dist bien que il avoit mal fait, car le sire de Clichon, ne les aultres ne se povoient plus tenir. En celles trièves durant vinrent les deus chevaliers englès, qui le charte de ces trièves données à Bruges aportoient. Sy dessendirent en l'ost du duc de Bretaigne et firent leur messaiges bien et à point, et monstrèrent leur lettres et leur estât tout ensy que les signeurs qui estoient à Bruges avoient acordet et sellet, et que, incontinent ches lettres veues, en quel point que il fussent, il se partesissent. De ches nouvelles fu le duc de Bretaigne moult amèrement courouchiés, et euist plus chier, che dist-il, avoir perdu cent mille frans. Toutesfois il ne volt pas désobéir, ne brisier les trièves qui faites 'estoient, mais se party de Camperlé et s'en vint à Saint-Brieu-de-Vaus où une partie de