CHEVAUCHÉE DU SIRE DE COUCY EN AUTRICHE

ses gens estoient, et envoia devers le roy d'Engleterre la ducesse sa femme qui estoit en la garde de monsigneur Jehan de Gingay. Sy donna à toutes manières de gens d'armes congiet et s'en retourna assés briefment en Engleterre, et sa femme avecq luy. Ensy se desfît cheste armée, et leva le siège, dont le sire de Cliclion se tint pour bien eureus, et ossy firent les aultres, ne oncques chose ne leur vint sy bien à point.

En che tamps estoient à Bruges les deus duc d'Engleterre et le duc d'Ango et le duc de Bourgongne, et tenoient grant estât, et d'autre part le duc de Lenclastre. Sy eulrent pluiseurs parlemens et traitiés ensamble sur voie de pais, mais nuls n'en vint à effet ; car les Englès demandoient, et les Franchois avoir voll oient, Sy se partirent li uns de l'autre, quant il eurent là esté ung grant tamps sur le bon respit et les trieuves, et puis retourna chascun en son pais.

En che tamps se rendirent, sauve leurs vies et leurs biens, chil de Saint-Saulveur-le-Visconte, et fu la fortresse franchoise, et en prist le connestable de France la saisine et possession ou non du roy de Franche.

En che tamps revint le sire de Couchy en France, qui s'estoit bien tenus cinq ans en Lombardie et en la terre de l'Église contre les signeurs de Melan. Si eult congiet du roy de Franche de aller en Engleterre et de veoir le roy et les signeurs. Sy y alla et mena sa femme avecq luy ; mais il n'y demora gaires. Toutesfois il y laissa sa femme, quant il retourna arière en Franche.

En che tamps avoit grant foison de gens d'armes pillars et aultres en Franche, qui ne savoient à quoy aherdre ; car bs trièves se tenoient en Franche et on Engleterre. Sy