MORT DU PRINCE DE GALLES

piiloient ossy bien en Franche et surlesEnglès. Si regarda le roy de Franche et son consail que le sire de Couchy demandoit à avoir grant droit à la duché d'Ostriche de par madame sa mère, qui avoit esté seur au duc d'Ostriche, et dont on ne ly faisoit nulle raison. Sy avisa que le sire de Couchy se trayroit celle part et y menroit les corapaignons et les ensonniroit là et en feroit sa guerre. Le sire de Couchy fu moult lies de ceste promesse que ly rois ly fist, et l'en remerchia moult de fois ; car de ches corapaignons il cuida trop bien faire sa besoigne. Sy se ordonna et aparreilla seîonc che, et pria derechief grant foison de chevaliers et d'escuiers de Vermendois et d'Artois et de Haynau et ossy de Flandres, Si se partirent ces gens d,armes et ches corapaignons de Franche, et entrèrent en Ausay par le consentement du duc de Luxembourch, et allèrent vers Ostriche ; mais oncques n'i entrèrent, ne eurent vollenté de y entrer les compaignes, dont le sire de Couchy ne s'en peult aidier à son plus grant besoing, dont il en fu moult courouchiés et à bonne cause. Encores avoecq tous ches meschiefs, se il ne se fust emblés de yaulx, il l'euissent pris prisonnier, dont il n'euwist point veut sa délivranche. Sy s'en retournèrent ches gens de compaigne à vivre en Franche tout pillant quanqu'il trouvoient.

En l'an de grâce Nostre-Signeur mil IIF LXXVII, le jour de la Trenité, trespassa de che siècle à Londres le noble et vaillant prinches de Galles et d'Acquitaine, toute la fleur de la chevallerie. Sy fu enbausmés et mis en ung vaissiel de ploncq, et là eult le viaire descouvert tant seulement, et fu mis en l'église de Saint-Thomas de Cantorbie, et en chel estât fut-il gardés jusques à la Saint- Mikiel que on fist son obsèque moult honnourablement.