RICBAKD HÉRITIER DE LA COURONNE D ANGLETERRE

Le Noël ensiévant eult grant parlement à Londres des barons , des prélas et de la coramunaulté d'Engleterre ; car on volloit savoir qui seroit roy d'Engleterre, se le bon roy Édouwart , qui estoit moult vies et moult foible, trespassoit. Sy fu acordet et dit par certaine sentenche et par l'acord et vollentë du noble roy Edouwart que Richart le jovène fils du princtie seroit roy, et fu adont eslevé et portés audit roy son taion et assis en majesté royaul , présent dus et prélas et tous les barons d'Engleterre.

Nous vous avons oubliet à parler du conte de Pennebourc qui fu pris devant la Rochelle des Espaignos, et de messire Guichart d'Angle, comment il eulrent leur délivrauche. Sy y retournerons. Quant il eult esté environ deux ans prisonniers en Castille, le roy Henry qui grandement se sentoit tenu à monsigneur Bertran de Claiquin pour les serviches que il luy avoit fait, le rendy à messire Bertran pour une grant terre que il tenoit en Espaigne, et messire Bertran mist à rainchon ledit conte à six mille frans parmy ««tant qu'il le devoit livrer sain et haitiet en la ville de Calais, et, luy là venut, les Lombars de Bruges dévoient payer la finanche. Sur cel estât, le conte de Pennebrucq se party de prison et s'en vint passer parmy Franche. Or avint que maladie ly prist sur le chemin. Sy s'acoucha malades en la chité d'Arras en Picardie, de laquelle maladie il morut. Ensy eult perdu messire Bertran de Claiquin son argent.

Messire Guichart d'Angle fu délivrés en celle manière à monsigneur Olivier de Mauny, breton, pour le terre de Gret qu'il tenoit en Espaigne. Sy se fist ung traitiet dudit messire Olivier à chiaulx du linaige du seigneur de Roie qui estoit encores prisonniers en Engleterre, que, se on vol-