DÉLIVRANCE DU COMTE DE PEMBROKE

loit acorder une fille demoiselle que le sire de Roie avoit, à Alain de Mauny, frère audit messire Olivier, on le metteroit hors d'Engleterre. Che traitiet fu vollentiers oys et entendus, et fu ledit messire Guichart d'Angle délivré pour le signeur de Roie, car le roy d'Engleterre ne veult autruy ravoir, et revint le sire de Roie en Franche, et eult Alains de Mauny en mariage sa fille et l'enmena en Bretaigne. Depuis mourut le sire de Roye. Sy fu cheluy Alain sire de toutes ses terres, qui est grant baronnie en Franche. Ensy se firent ches parchons, et le roy d'Engleterre et son consail misrent et ordonnèrent monsigneur Guichard d'Angle delés le jovène Richart pour luy endotriner en toutes bonnes meurs, car à pau de milleur de luy le povoit-on recommander.

En che tamps furent envoyet à Bruges de par le roy de Franche le conte de Sallebruc, le conte de Castillon et messire Phelippes de TEspinache, et du costé des Englès messire Jehan de Montagut, le sire de Gobehem, l'évesque de Harfort et le doyen de Saint-Pol de Londres. Sy estoient toudis les moïeneurs des deus parties l'évesque de Ravanne et l'évesque de Carpentras, et traitèrent tout che tamps sur le mariage du fils du prinche de Galles et de la fille du roy de Franche. Et offroient les Franchois as Englès douze chités, mais il volloient avoir Calais abatue. Sy ne peult che traitiet passer, ne les parties estre d'acort, et furent les trièves ralongies jusques au prumier jour de may, et retournèrent les Franchois en Franche, et les Englès en Engleterre pour dire au roy et au consail sur quel estât il estoient party.

Sy furent de rechief envoyet à Calais de par les Englès messire Guichart d'Angle, l'évesque de Saint-David, chanselier d'Engleterre, l'évesque de Harfort et JofFrois Caucier ;