LA COMTESSE DR HAINAUT RETOURNE A PARIS

« devers nostre cousin le roy , et luy dires de par nous « que il viègne armé ou désarmé , ensy que il luy plaist. tt Nous luy presterons terre et païs pour ariver et demorer « du tout à son ayse et voUenté. Et quant il sera venus et « nous Tarons oyt parler , il trouvera espoir en nous plus « grant confort que il ne cuide. »

De ces paroUes et responses furent moult joieux les Englès. Sy se partirent moult liement du duc de Brabant qui leur fist donner et présenter de bieaulx juaulx à leur département et revinrent en Haynau à Valenchiennes devers le conte , et leur compaignons et les Allemans qui là les atendoient , asquels il recordèrent tout che que vous avés oyt , et ensy se desfit che parlement et prirent tout congiet li uns à l'autre, et retournèrent en leur pays les Allemans , et les Englès vinrent en Hollande à Doudrec , et là montèrent-il en mer pour aller en Engleterre ; car ils n'osoient passer parmy Flandres pour le doubte des gens du conte Lois de Flandres.

Quant ces seigneurs d'Engleterre furent retournés arière en leur païs devers le roy , il luy recordèrent de point en point comment il avoient esploitiet, et se escusèrent de che que il avoient tant demouret; car en alant et en venant il avoient bien séjourné neuf mois, mais trop séjournèrent. Les raisons y sont, et longues à démener; car vous les avés oyes. Mais à ung grant parlement qui se fist à Londres, le roy fut consilliés que il envoiast gens d'armes en Flandres , pour combatre aucuns chevaliers et escuiers qui gardoient l'ille de Quagant , lesquels avoient rués jus pluiseurs Englès en cel esté , entretant que les Englès estoient à Vallenchieunes.

Adont trespasa de che siècle, en l'ostel de Hollande à