MORT DU COMTE DE HAINÀUT

Vallenchiennes, le conte Guillame de Haynau, dont le pays fut durement tourblés et désollés. Sy fu ensevelys en 1 église des Cordeliers en Vallenchiennes, et là luy fut fait son serviche grant et noble , et avoit le conte ung fils que on nomoit Guillame, lequel fu conte de Haynau après son père, et régna poissaument tant qu'il vesquy , et ot quatre filles , dont le conte en avoit marié les trois. Li aisnée ot non Margrite et estoit pour clie tamps royne d'Allemaigne et empereis de Rome ; le seconde ot nom Jehanne, qui estoit contesse de Juliers ; le tierche ot nom Phelippe, la noble et bonne royne d'Engleterre; et la maisnée Ysabel, qui estoit encores à marier et fu un grant tamps depuis le trespas son père , et depuis ot-elle à marit raessire Robert de Namur , et fu dame de Renais en Flandres et de Bieaufort-sur-Meuse.

En l'armée que le roy d'Engleterre envoya en Flandres, y eut mille hommes d'armes et deus milles archiers. Sy fu leur cappitaine le conte Henry d'Erby , fils au conte Henry de Lenclastre, et messire Gautier de Mauni. Sy se partirent de Gravesandes sur le Tamise, là où il avoient fait toute leur prouvéanche et leur asamblée , et nagèrent tant par mer que il vinrent à Cagant , là où estoient bien quatre mille Flamens et grans foisons de chevaliers et d'escuyers de parle conte, et là estoient messire Guis de Flandres , frère bastart au conte Loys de Flandres, et messire Gille de Trief, le ducres de Halluin , messire Jehan de Roden, messire Jehan et messire Simon de Bruckedent et Pierres d'Englemoustier et pluiseurs autres, qui se mirent tantost en bataille pour combatre les Englès. Et quant les Englès virent venir les Flamens , comme vaillans gens, il prirent terre, volsissent les Flamens ou