COMBAT DE CADZAND
non , et se ordonnèrent sur le sablon et aprochèrent leurs ennemis. Là eult grant bataille, et firent pluiseurs fais d'armes d'un costé et d'aultre, et finablement les Englès obtinrent la plache et desconfirent les Flamens. Et y morut dix-huit chevaliers , et fu pris messire Guis de Flandres , qui vaillaument s'y corabaty ; et y morut bien trois mille Flamenc , parmy ceulx qui salloient en la mer , et fut toute Fille de Cagant toute desrobée et puis arse. Geste bataille fut l'an de grâce mil IirXXXVII , le jour Saint-Martin en yvier.
Après le desconfiture faite des Flamens en l'ille de Gagant , les Englès entrèrent en leur batieau et s'en retournèrent en Engleterre. S'y enmenèrent leurs prisonniers , et esploitèrent tant que il vinrent à Londres, et là trouvèrent le roy ens ou palais de Wesmoustier , à qui ils rccordèrent comment il avoient fait. Le roy leur en seut moult grant gret de che qu'il avoient sy bien besoignet que avoir desconfy leur anemis et conquis l'ille de Casant , et fu moult lies de la prise de messire Guis de Flandres, et l'onnoura assés selonc son estât et le laissa aler parmy Londres recreu sur sa foy.
Tantost après le roy d'Engleterre fist clore tous les pas de mer afin que nulles laines ne venissent en Flandres. Adont le pais de Flandres fut en grant tribulation, et la draperie toute perdue. En che temps fist justicier le conte de Flandres monseigneur Simon le Gourtrisien, qui estoit de Gant , et le fist morir sans cause de rayson , et fut pour che que il avoit compaignet les Englès en Brabant et en Hainau et ossy en Flandres ; dont ceulx de Gant furent durement courouchiés sur le conte , car chil sires Simon Courtisien estoit bourgois de grant linage et durement
INFLUENCE DE JACQUES d'aRTEVELDE. 55
vaillans et saiges hommes , et de bonne renommée. Sy prirent tous ceulx de Gant leur signeur en telle hayne que depuis il ne s'osa tenir clèrement , ne couvertement en la ville de Gant , mais s'en vint tenir à Terremonde. Et le roy d'Engleterre qui tiroit à atraire à amour et à sa cordelle ceulx de Flandres et qui bien savoit que le conte n'y estoit point bien amés pour le grant justiclie qu'il y avoit fait , et par espécial en la ville de Gant , adont manda à ceulx de Gant que, se il volloient estre de son acort , il leur rendroit l'estaple et la marchandise des laines sans lequel il ne povoient vivre , car la communaulté de la ville de Gant estoit, pour la deffaulte de wagnage, eu grant dangier.
Or se resveilla et leva un bourgois de Gant, qui s'apelloit Jacques d'Artevelle , saige homme et ymaginatif durement et qui tantost eult toute la communaultë de son acort pour faire et defFaire tout che que ordonner et entreprendre voUoit. Cheluy Jacques d'Artevelle estoit durement bien enlangaigiet. Sy fist plusieurs sermons, et sy s'y porta que par lui fu le conte enchachiés et boutés hors du pais de Flandres , et disoit bien à son coramenchement que plus proufitable leur estoit estre de la partie des Englès que de la partie de Franche ; car tous proufis et toutes bonnes marchandises profitables et nécessaires pour eulx leur venoient d'Engleterre ou par le dangier d'Engleterre , tant que laines pour drapper , dont tout le pais de Flandres estoit soustenus , car sans draperie et marchandise coramunaument il ne pouroient vivre.
Che Jaques de Hartevelle en peu de temps monta en sy grant fortune et en telle grâce des Flamens que c'estoit tout fait quanques il volloit deviser et commander par toute Flandres , et estoit sy bien enlangaigiet et de sy saiges paroUes et si vives que par ses langaiges et pour che que
