DÉBARQUE A ANVERS

cause de le bienvignier, et \y joues conte de Haynau , ses serouges, le vint veoir. Et osy fist Jaques de Hartevelle, entre lequel et le roy il eult grans alianches et aprochemens d'amours. Depuis vinrent ces seigneurs d'Alemaignes les uns après les autres, qui moult le désiroient à veoir. Sy eult là grant parlement ensamble, asquels le jone conte de Haynau ne voUoit point estre , mais disoit à elle commenchement qu'il demouroit franchois et delés le roy son oncle. Le roy d'Engleterre tiroit à guerroier le royalme de France et calengier son droit , sycomme il estoifc informés, et là gisoit en la ville d'Anvers à grant frait et y fu plus d'un an ; car le duc de Brabant , son cousin, le defFréoit clie qu'il povoit, et nooit entre deus yawes, car il luy donnoità entendre bien souvent au roy d'Engleterre qu'il luy aideroit , et au roy de France que jàne seroit fors que bon Franchois. Et pour luy escuser et tenir en amour le roy de Franche , il euvoia en Franche un sien chevalier, le plus secret qu'il euist , messires Loys de Cranehen, et l'ordonna là demeurer et estre tous quoy delés le roy de Franche , lequel chevalier s'en aquita léalment ; car, quant il venoit nouvelles en la court, et le roy Phelippes estoit enfourmés que ly duc de Brabant , son cousin , estoit à tous les parlemens du roy d'Engleterre, et qu'il volloit soustenir la querelle du roy d'Engleterre, ledit chevallier Loys l'escusoit et alloit au devant et disoit : « Ha, chier sire et nobles roy , ne créés nulles « parolles , car le duc de Brabant vous est léal ; car jà « ne sera englès, quel samblant que il monstre au roy « d'Engleterre, et, se il se tient delés luy, c'est pour bri- « sier son opinion, et de luy est sy proçain de sanc et de « linage qu'il convient à le fois que il luy faiche com- « paignie. »

Ensy se passa le temps moult longement , tant que madame la roy ne d'Engleterre ajut en la ville d'Anvers