FAIBLESSE

Il est bien vray que le roy d'Engleterre, pères de ce dit roy Edouart , sur qui notre matère est fondée , gouverna moult diversement son royalrae et fîst pluiseurs diverses manières de justices par l'enort d'un chevalier que plus créoit et amoit que tout le monde, qui avoit esté nouris avecques luy d'enfanche et qui estoit son cousin et poisans lions et riches en Engleterre. Sy l'appelloit-on raonsigneur Hue le Despensier. Chemessires Hues et messires Hues, son père , avoient tellement atrait le roy d'Engleterre à leur oppinion que il povoient plus que tout le demorant d'Engleterre.

En ce tamps régnoit ung roy en Escoche , qui s'apielloit le roy Robert de Brus. Che roy Robert avoit esté, du vivant le père de ce roy Edouart, durement vexés et travilliés par guerre, et tout sur son royaulme, syque quant che bon roy Edouart fu mors et son fils le roy Edouart vint à le couronne, qui ne fu mie de sy grant vaillance que son père , che roy Robert , qui entendy le foible consail que il créoit et le discort que il avoit entre le roy et les hauls barons d'Engleterre , s'avisa que il se contrevengeroit de l'anoy et despit que les Englès ly avoient fait. Et avoit à che dont sy nettement perdu son roialme d'Escoche que il se tenoit entre les montaignes devers Abredaine, et n'osoit entrer en le doulche Escoche. Sv assambla tous ses amis , monseigneur Guillîfme de Douglas, monseigneur le conte Patris , le conte de Mouret , monseigneur Robert de Versy, monseigneur Simon Fresiel et pluisieurs autres , et chevauchèrent avant à grant exploit ; et reconquirent villes et chasteaulx en Escoche , que les Englès tenoient, et reprirent la bonne cité de Bervich , et reconquirent briefment tous les casteaux d'Escoche , Handebourch, Dubertain, Dondieu, Dombare, Dalquest, Saint-Jehan-Ston, Donfremelin, Abredane et pluisieurs autres, et vinrent finable-