D EDOUARD

ment mettre le siège devant le fort castel de Stourvelin en Escoche et apressèreut moult cheaux de dedens. Ces nouvelles vinrent en Engleterre que les Escochois avoient tout reconquis leur païs , excepté le castel de Stourvelin. Dont s'esmurent le roy et tous les barons et communaulté d'Engleterre pour venir en Escoche, et exploittèrent tant que il vinrent assés près de Stouvelin. Le roy Robert de Brus et ly barons d'Escoche qui là se tenoient à siège , sitost que il entendirent que le roy d'Engleterre et sa puissance estoient venus pour yaulx combatre et lever le siège, il se rengièrent et ordonnèrent tantost devant ceulx et combatirent caudement le roy d'Engleterre et les Englès, ainchois que il se peuissent logier , ne aviser plache ; et là ot grant bataille cruelle et dure qui dura longement. Mais iinablement les Englès furent desconfis, et convint le roy fuir et messire Hue le Despensier ; autrement il euissent esté pris , et dura ceste cache des Escochois as Englès trois jours , et furent racachiet jusques à la rivière de Thin , et y ot des Englès mors plus de quarante mille et moult de vaillans hommes. Et sur retour que ly rois d'Escoche fist , il prist le fort chastel de Struvelin ; car ly Englès qui le tenoient, le rendirent sauve leur vies.

Pour chelle desconfiture , qui fut sy grande et si damaigable pour les Englès et pour le royaulme d'Engleterre , furent durement enhay de pluiseurs hauls barons d'Engleterre et de le communaulté messires Hues le Despensier ly pères et ly fils , et en murmurèrent et parlèrent villainement sur leur partir, et disoientbien que par leur consail et pour ce que il avoient trop longement tenut le roy en ses déduis, estoit ches damaiges venus.

Quant messires Hues le Despensier et son fils entendy