RETRAITE DES ANGLAIS

faulte , et ne désiroit aultre chose. Sy se départy ensy celle journée sans riens faire , qui fu à Buironfosse l'an rail IIPXXXIX le XXV^ jour du mois d'octobre.

Quant ce vint au soir , chacun se retraita son logis. Sy eurent pluiseurs consauls et grans amirations pour quoy on n'estoit combatu.

A minuit le roy d'Engleterre mist tout son consail ensamble pour savoir quel chose il feroit et comment il se maintenroit. Le duc de Brabant , qui estoit ses cousins germains et qui estoit là le plus grant de tout son consail , dist et conseilla que on se retrairoit et que pour celle saison on avoit assés ghuerryet , car l'yvier aprochoit , et que le roy d'Engleterre avoit fait bien son devoir et allé et chevauchiet ou royalme de Franche et ars et moult gasté le pais , et atendu ses ennemis , et puis avoit esté tous rengiés et ordonnés et mis en bataille , l'un devant l'autre , et point ne furent ses ennemis si hardis de les venir combatre , pour laquelle cose on doit tenir à grant honneur l'emprise du roy d'Engleterre. Adont fut creut le consail du duc de Brabant , et se partirent le semmedy au matin. Le roy d'Engleterre et toute sa compaignie passèrent devers Avesnes et tout à travers le pays de Haynau et desoubs Bieaumont et le Sambre et au pont à Avesne. Et s'en retourna chascun à son ostel ; mais le roy d'Engleterre s'en vint à Brouselles denprès son cousin le duc de Brabant , et là séjourna quinze jours , et les AUemans retournèrent en leur pays, et eurent chascun en conyent par leur foy que à l'esté il retourneroient tout à le semonse et mandement du roy d'Engleterre de aler quel part que il luy plairoit.